Quantcast

Mahai jolasen euskarazko azalpenak argitaratzen jarraitzen dugu

Gabon garaia gerturatzen denean gure seme-alabei zuzendutako mezuz betetzen dira telebista eta posta kutxak;  jolasak, panpinak… izugarrizko eskaintza. Guraso moduan kudeatzea zailak diren egoerak ere bizi ditzakegu garai hauetan.

Hizkuntzaren ikuspegitik ere, gutxi dira merkatu globalean argibideak euskaraz eskaintzen dituzten jolas eta mahai jolasak.  Kasu askotan jolasarekin dugun lehen harreman honek jolasaren hizkuntza ere baldintza dezake. Honegatik da eskertzekoa Euskal Herriko elkarte eta eragile ezberdinek euskaraz gozatzeko produktuak eta jolasak argitaratzen egiten duten lana.

Guraso.eus egitasmoan, merkatuan arrakastatsuak diren eta adituen ustez gomendagarriak diren mahai jolasei euskarazko azalpenak ematen dizkien bideoak argitaatzen jarraitzen dugu. 2016 urtean  sortatxoa  argitaratu bagenuen. 2017. urtean ere sortu ditugu berriak.

Colorfind

 

Bost urtetik gorako jokalariendako jostailua da. Memori jolas dibertigarria da eta euskarri berri batean aurkezten dena.

 

Basoko iratxoak

 

Hiru urtetik gorako neska-mutikoentzako jokoa da eta bi-zortzi jokalari artean behar dira jolasteko. Arreta eta azkartasun arina eskatzen ditu jolas honek. Aproposa da helduek umeekin batera jolasteko.

Pareko

 

Arrasaten sortutako euskarria da. Txatxilipurdi elkarteak sortu du Arrasateko euskalgintzako eta hezkuntzako hainbat eragilerekin elkarlanean.

Hiru-zortzi jokalarik har dezakete parte batera. Adina: sei urtetik gora. Sei eta zortzi urte bitarteko umeen kasuan gomendagarria da heldu baten laguntza izatea.

Jolas interesgarria da deskribapena eta hizkuntza lantzeko

 

Dixit

 

Hamabi urtetik gorako neska-mutikoentzako jokoa da eta hiru eta sei jokalari artean behar dira jolasteko. Oso mahai-jolas egokia da emozioak lantzeko eta barrenak askatzeko. Duten edertasunarengatik karten ilustrazioek ere aipamen berezia merezi dute.

 

 

Grapat etxeko materiala

 

Araurik gabeko jolaserako materiala da. Jolasa sortzea du helburu eta horretara bideratutako baliabide sorta da. Fabrikazio prozesua tradizionala da. Oinarrizko baliabide naturalekin eskuz egindako materiala da. Urtebetetik aurrerako pertsona denentzako da aproposa.

 

Familia jolasa

 

Etxeko txikienekin jolasean egiteko proposamena da. Jolas kooperatiboa da. Helburua da lau animalia familia osatzea otsoen familia etorri aurretik. Ondo pasa!

 

 

Sorgindutako eskilara

 

Lau urtetik gorako jokalariendako jostailua da eta partida bakoitzak gutxi gorabehera 10-15 minutu iraun dezake. Bi eta lau jokalariren artean behar dira jolasteko. Lehiakorrra da baina sortzen den anabasa…

 

Ubongo

 

Gutxienez bi lagun behar dira jolasteko eta gehienez lau. Mahai-jolas borobila eta dibertigarria da. Oso egokia etxeko helduek ere une atsegin bat pasatzeko.

 

Euskaraz gozatu!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading