Quantcast

Mahai-jolas gomendagarriak euskaraz aurkeztuta

Gabon garaia gerturatzen denean gure seme-alabei zuzendutako mezuz betetzen dira telebista eta posta kutxak;  jolasak, panpinak… izugarrizko eskaintza. Guraso moduan kudeatzea zailak diren egoerak ere bizi ditzakegu garai hauetan.

Hizkuntzaren ikuspegitik ere, gutxi dira merkatu globalean argibideak euskaraz eskaintzen dituzten jolas eta mahai jolasak.  Kasu askotan jolasarekin dugun lehen harreman honek jolasaren hizkuntza ere baldintza dezake. Honegatik da eskertzekoa Euskal Herriko elkarte eta eragile ezberdinek euskaraz gozatzeko produktuak eta jolasak argitaratzen egiten duten lana.

Guraso.eus egitasmoan, merkatuan arrakastatsuak diren eta adituen ustez gomendagarriak diren mahai jolasei euskarazko azalpenak ematen dizkien bideo sorta argitaratu dugu. Hona hemen aurten egin ditugun bideo guztiak.

 

FRUTALITO

Haur txikienentzako (3 urtetik aurrera) mahai jolas kooperatiboa. Jolaskideak Beleari aurre egin beharko diote zuhaitzeko fruitu guztiak jan ez ditzan. Lankidetza lantzeko egokia.

RUSH HOUR

Bakarrik edo lagunekin jolasteko mahai jolas dibertigarria, zortzi urtetik gorako jokalarientzat egokia.

SPEED CUPS

Sei urtetik gorako jokalarientzat gomendatutako  jolas azkarra eta dibertigarria. Oroimena eta koordinazioa lantzeko egokia.

CHROMINO

Sei urtetik aurrerako bat eta zortzi jokalarirentzako jolas lasaia eta estrategikoa.

WHOO HOP

Txanogorritxuren ipuinean oinarritutako bi eta lau jokarientzako jolas kooperatiboa, lau urtetiko gorako jokalarientzat gomendatua.

FANTASMA BLITS

Zortzi urtetik aurrerako 2 eta 8 jokalariren artean jolasteko jolas bizi eta dibertigarria.

DOOBLE

Sei urtetik gorako jokalarientzat egokia eta merkatuan arrakasta handikoa den mahai jolasa. Bizia, dibertigarria eta bost aldaera dituena.

AZENARIO LAPURRA

Mahai jolas kooperatiboa, 4urtetik aurrerako jokalarientzat gomendatua eta 1 eta 6 jokalarien artean jolastekoa.

SUA!

Euskal Mitologiako pertsonaietan oinarritutako eta Txatxilipurdi elkarteak argitaratutako jolasa. 8 eta 24 jokalarien artean jolastekoa eta gau bela eta talde handietan jolasteko gomendagarria.

IKUTU ETA ASMATU

2 urte eta erditik aurrerako jokalarientzat gomendatua eta 2 jokalarik jolastekoa.

BLOKUS

7 urtetik gorako mahai jolasa da, 2-4 jokalarientzat eta estrategikoa.

One thought on “Mahai-jolas gomendagarriak euskaraz aurkeztuta

  1. Pingback: Mahai jolasen euskarazko azalpenak argitaratzen jarraitzen dugu – Guraso.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading