Quantcast
Guraso.eus

Amak sostengua behar du

 

Amak umea izandakoan umearen beharrizanetan zentratzen da, hau  noski, garrantzitsua da. Baina honetaz gain amak, bere beharrizanei ere garrantzia eman behar die. Bere beharrizanek erantzuna dutela sentitu behar du. Honi amaren sostengua deritzogu.  Amak, bere haurra hezteko, bere buruaren sostengua ere behar du.

Zergatik? Ama izatean, emakumeari   barneko sentimenduak emozioak  mugitu egiten zaizkio eta  gure hezkuntza prozesuan emozioak lantzen ez zirenez, askotan ez dakigu aldaketa  guzti hauei  erantzuna ematen. Ondorioz,  egiten ditugun gauzengatik errudundun sentitzen  gara eta benetan garen amarekin borroka egiten dugu. Honek zama handia suposatzen du eta  ondorioz , heztea askotan gogorra egiten zaigu. Beraz, sostengua behar dugu eta sostengu hau orberak  bakarrik eman ahal dio bere  buruari. Sostengua umeei dagokienez besteekiko erlazioan sortzen da, hau da, amak ematen dion sostenguan.  Amaren sostengua berriz auto-sostengua litzateke.

Zer da auto-sostengua? Norberaren  ezagutzarekin zer ikusia du, norberak bere beharrizanak identifikatu eta hauei  erantzun egoki bat ematearekin . Ezagutza honetan ikasi beharreko faktore asko daude, hemen batzuk aipatuko ditugu.

Ikasketa hau terapia  testuinguru  batean egin daiteke edo norberak bere buruari arreta   eta kontzientzia handia eskainiz. Auto-sostengu honetan  bi atal ezberdindu ditzakegu,  batak gure buruarekin dugun harremanarekin du zerikusia,  besteak berriz   beste pertsonekin   dugun harremanarekin.

Geure buruarekin dugun harremanarekin  zerikusia duten faktoreekin hasiko gara eta hemen lehenengoa  gure beharrizanen  kontzientzia hartzean  datza. Horretarako Gestalt Terapiak  beharrizanen zikloa ulertzea garrantzitsua dela nabarmentzen  du. Ziklo honek 6 pausu ditu:

  • Sentsazioa dugu. Adibidez: Tripan zerbait sentitzen dut.
  • Kontzientzia jartzen dugu. Gose naizela konturatzen naiz.
  • Dinamizaziorantz goaz. Jateko ordua dela pentsatzen dut.
  • Ekintza garatzen dut. Altxatu egiten naiz eta zerbait jatera noa.
  • Kontaktua egiten dut. Zerbait jaten dut.
  • Erretiratzea tokatzen zait orain. Bete naiz eta orain beste zerbait egitera noa.

Sei pausu hauek beti horrela funtzionatzen dute, beharrizan ezberdinak  aseak izateko  eman behar diren  pausuak dira. Zerbait sentitzen dugunetik sentimendu hori ase arteko pausu guztiak bete behar dira, bestela beharrizan hori zabalik geratuko da eta guregan jarraituko du itxi gabe.

Laura Gutman

Jarritako adibidea beharrizan fisikoekin eginiko adibide bat da, behar hauek erraz ikusten dira, baina beharrizan emozionalak ere badaude eta hauek ikustea askoz zailagoa egiten zaigu. Laura Gutmanek berriz, erditu berriko ametan momentu interesgarri bat ikusten du amak bere beharrizanak aztertzeko  eta hau ondo azaltzen du bere “La maternidad y el encuentro con la propia sombra” liburuan.  Beste gauza batzuen artean, haurra garai honetan, amaren emozioen isla dela aipatzen du. Ama eta haurra fusio bat dira. Beraz haurra begiratuz, amak bere emozioak ulertu ditzakeela esaten du eta beraz bere beharrizanak zaindu . Momentu hau oso ona izan daiteke norberak bere emozioak nondik doazen ulertzeko, ezer aldatu gabe soilik ikusteko. Ezagutza honek auto sostengurantz eraman gaitzake, kasu bakoitzean zer gertatzen zaigun identifikatu dezakegulako. Hala ere, ikasketa honek  etengabea  izan beharko luke, ez du amaierarik.

Leire Etxezarraga

Leire Etxezarraga (Gizarte hezitzailea, Pedagogoa, Gestalt terapeuta, Orain (amatasuna konfiantzan bizitzea) enpresaren sortzailea eta hiru seme-alaben ama.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading