Quantcast
Guraso.eus

Zertarako beraz lan bikoitza?

Yogak eskaintzen dituen tresnak, norberak bere burua hobeto ezagutzen laguntzeko tresnak dira, beraz, gure senaren baitan bizitzera eramaten gaituzte. Gure etxeko zutabeak txikitatik sendo eraikiz gero, ez dago ekaitzik etxe hori botako duenik. Asko kostatzen da txikitatik errotutakoak, handitan desegitea.

Heldua bazara, jakingo duzu ongi zenbat kostatzen zaigun betidanik ditugun zenbait mekanismo eta ohitura desikastea, etengabe egin ditugunak ohartu gabe ere. Baina zorionez, kontzientzia hartzen dugun momentu bat iristen da, inoiz beranduegi ez dena eta gainera gure mesederako. Eta orduantxe berrikasten hasten gara, aurrekoak desikasi ondoren noski.

Zertarako beraz lan bikoitza? Zergatik ez hasieratik ikasi, ikasi beharrekoak?

Gure pertsonaren egitura sendo bat eraikitzeko modu bat, orainean bizitzen txikitatik ikasten datza. Gero ez dago eraikuntza hori desegin dezaken indarrik. Zergatik ez orduan txikitatik ikasi, gero heldutasunean lan bikoitza egin beharrean?

Heldu bezala, guzti honetaz kontzientzia hartzeko gai izan bagara eta zorte hori izan badugu, hau guztia adin txikikoen eskutan jartzea da gure ardura. Ez da inoiz beranduegi eta beti da momentu egokia, bizitza kontziente eta duin bat edukitzeko, zoriontsu izatekohain zuzen .

Lierni Garcia

Kaixo lagunak! Nire egunerokotasunaren oinarria den altxor preziatu bat konpartitzera nator zuekin. Noski, bakarrik baliogarria bazaizu hartu eta bestela utzi. Zuk duzu azken hitza. Dena den batzuetan gure barrutik sortzen dena ere entzuten ez dakigu, ez digute erakutsi edo ezin izan digute erakutsi. Beraz nola eman horrela azken hitza? Nire kasuan, Yogak laguntzen dit bilaketa horretan. Horrela hasi nintzen ni ere, nire barruan gertatzen ari zena entzuten ez nekiela konturatu nintzenean. Beti izan dut jakin min handia eta egin izan ditudan lanak ikasitakoak ezagutzera ematen oinarritu da. Lehen gida eta hezitzaile lanak egiten nituen, euskal kulturaren esparruan, baina estresak jota sentitu nintzen argi eta garbi nire bizitzako momentu batean eta yoga egiten hasi nintzen. Nafarroako Mahashakti Yoga Integral Eskolan ikasi nuen eta yoga irakaslea eta formatzailea naiz orain, dantza terapia Bartzelonan ere egin nuen eta masaje eta elikadura terapietan sartzen hasi nintzen ere. Helduei nahiz haurrei yoga integraleko klaseak ematen dizkiet, bakoitzari egokituak. Haurrei yoga ematea erronka berezia da eta oso aberasgarria maila guztietan. Iparraldeko eskoletan yoga saioak eman ohi ditut klase orduetan eta bidea hortik izan behar duela uste dugu, hezkuntza berri batengan eta yogak egiten duen mesedeetan sinisten dugunok. Tresna guzti hauek lehen adinetik ikasten baditugu, etorkizun hobeago bat eraikitzeko aukera dugula konbentzituta nago eta horregatik Mahashakti Yoga Integral Eskolak duen proiektuarekin bat egin eta aurrera goaz. Yoga haur eta nerabeei helarazi nahi diegu, gaur egun bizi dugun egoerak garrasika eskatzen baitu. Beraz proiektu hau Yoga haurrei helarazi nahi dion guztiari irekia dago, irakasle, hezitzaile, guraso sentsibilizatu….baina hortik haratago joan nahi dugu, instituzioetara bideratu eta Yoga eskoletan integratzea lortu nahi genuke. Zer dira bada, egun osoan zehar 10 minutuko barruko eten bat haurren egunerokotasunean. Gutxi da hori, gaur egungo gizarte honetan haurrei dispertsiora eramaten dien hainbesteko estimuluei aurre egin ahal izateko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading