Quantcast
Guraso.eus

Udan ere osasuntsu elikatzeko gomendioak

Julio Basulto dietista eta nutrizionistari elkarrizketa interesgarria egin diote Aprendemos Juntos atalean.

Udan ez dugu berdin jaten. Denbora gehiago ematen dugu etxetik kanpora eta ospakizun gehiago izaten ditugu. Izozkiak, zukuak… udako produktu ugari agertzen dira, gainera. “Zaila da eta jakinekoa da zerbait debekatzen baduzu hura egiteko gogo handiagoa sentitzen duela umeak; izan ere, debekuak desiraren esnatzea dakar. Helduoi ere gertatzen zaigu”, azaltzen du Basultok.

Adituaren esanetan, gainera, bizi gara gizarte batean non normalizatuta dagoen pixka bat pasatzeagatik ez dela ezer gertatzen. “Gomendatuko nuke beti hartzea jaki osasuntsuak. Gainean eramatea beti zerbait. Lehenago edo beranduago gosetu egingo da umea, eta orduan hori eskainiko diogu. Ez badaukagu nekez eskainiko diogu. Saia gaitezke baita ere ingurukoekin hitz egiten. Azaldu dezakegu ospatu daitekeela zerbait jan gabe, batez ere jateko dagoena ez denean osasuntsua”. 

Dena den, eztabaida larrietan ez sartzeko gomendatzen du Basultok. “Ikerketa batek adierazten du etxean eskura ditugun jakiak, gurasoen elikadura ohiturek eta edoskitzeak erabakitzen dutela haur baten elikadura epe luzera. Hala, eskolaren papera, ez ohiko egunen papera, urtebetetze ospakizunen papera… garrantzitsua da, baina ez da erabakigarria. Erabakigarria egunerokoa da, umeak egunero-egunero etxean egiten duena eta ikusten duena. Eguneroko ereduak elikatzen ditu gure seme-alabak”. Ez ohikoak salbuespena direla dio adituak.

Fruta osoa eta barazki gehiago

Edozein fruta da osasuntsua eta edozein urte sasoian. “Osorik hartu behar dugu eta kontuz zukuekin. Ez dira pozoia. Ezin ditugu alkoholdun edariekin edo edari energetikoekin alderatu, baina egia da okerreko ustea dagoela gizarteratuta. Uste dugu bitamina ekarpena egiten dutela, baina gure gizartean ez dago bitamina faltarik.  Bai, ordea, azukre gehiegi”.

Zer da ondo jatea? Lehen haurtzaroan edoskitzea eta posible ez denean formulako esnea eta bi edo hiru urtetik aurrera laburtu daiteke honela: barazki gehiago, animali gutxiago eta prozesatutako produktu gutxi edo batere ez.

Ez bota erretolikarik

Adituak dio ez dela erretolikarik bota behar. “Ez dira eraginkorrak. Egia da egunero badugu urtebetetze ospakizun bat neurriak hartu beharko ditugula, baina salbuespena badira eta etxean elikagai osasungarriak baditugu eta gainera gurasoak eredugarriak badira salbuespen horiek ez dute eragin kaltegarririk izango gure seme-alaben elikaduran. Aldiz jakin badakigu zerbait debekatzeak hori egiteko nahia ekartzen duela automatikoki”.

Argazkia: pineapple supply

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading