Quantcast
Guraso.eus

Txanogorritxu: “Amona Joxeparen etxerako bidean libre izan nahi dut, ez ausart”

Patata Tropikala taldeak Kalean otso etxean uso antzezlana eskaintzen ari da herriz herri. Familia giroan ikusteko saioa da. Igortzen dituen mezuak ere garrantzitsuak dira; izan ere, gauzak ez dira beti diruditena eta ez ezetz da.

Ipuin klasikoen inguruan bada debatea azkenaldian. Zalantzarik gabe indartsuak dira, eta horregatik iritsi dira gureganaino ahozkotasuna izanik transmisio tresna nagusiena. Neska-mutikoei helaratzen zaizkien mezuak dira sarri zalantza iturri. Ipuin kontalari batzuk mezu horiek eguneratzearen aldekoak dira, eta beste batzuk ez. Badaude, tartean, ipuin horiek ez direla umeentzako esaten duenik ere.

Egokitzapenen mundu horretan murgilduta Patata Tropikala taldearen Kalean otso etxean uso antzezlana da aipagai.

Hiru txerrikumeak eta Txanogorritxu ipuinak ditu oinarri Kalean otso etxean uso antzezlanak; izan ere, pertsonaien artean daude hiru txerrikumeak, otsoa, Txanogorritxu, amona eta ehiztaria. Hiru txerrikumeak desagertzen dira lehenengo. Ondoren, amona Joxeparen hiru txitak sumatzen dituzte faltan, eta noski otsoa da susmagarri nagusia. Baina gauzak ez dira beti diruditena, eta azpi jokoan ikusiko dugu ehiztaria antzezlan osoan zehar.

Otsoa, berriz, on puska bat da. Denek nahi dute urrun, denek jotzen dute arriskutsu, eta ehiztariak alerta gorria jo du otso gaizto bat dabilelako inguruetan, baina nork eraman ditu txerrikumeak eta nork jan nahi ditu txitak? Ikuskizunak aurrera egiten duen heinean ulertzen dute ikusle txikienek ere ehiztaria dela istorio honetan ankerrena.

Ez ezetz da

Antzezlanaren mezuetako bat bada ezin dela aurreiritziekin epaitu beste mezuetako bat da ez ezetz dela beti. Ehiztariak Txanogorritxuren musuak nahi ditu, eta edozer egiten du bere helburua lortzeko. Saiatzen da amonaren etxera doan neskatoa beldurtzen, otsoa erruduntzat jotzen, eta Txanogorritxuk otsoa maite duela jakiterakoan hura harrapatzen.

Txanogorritxuk ez dio ehiztariari musurik eman nahi, baina otsoa askatuko duela agintzen dio eta neskatilak men egiten du. Zorionez garaiz heldu dira bi ikerlariak. Ehiztariaren maltzurkeria guztiak antzeman dituzte eta bere erruduntasuna frogatuta betirako botatzen dute inoiz ez ateratzeko putzura.

Argia da mezua. Ez dira ehiztaria moduko pertsonak onartzen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading