Quantcast
Guraso.eus

Taldean egiteko jolas proposamena: Nekazariak eta patatak

Argazkietan:  Txatxilipurdiko lankide guztiok mintegia egiten dugu  ikasturtero. Mintegietan hausnarketa ezberdinak egiteaz gain jolas ezberdinak ikasteko eta frogatzeko ere baliatzen ditugu. Argazkietan Txatxilipurdiko kideak aspaldiko argakietan.

Azalpena:

Talde handian egiteko jolasa proposatzen dugu gaurkoan, Nekazaria eta patatak! Taldeko kide guztiak  (bi izan ezik ) lurrean eseriko dira bata bestearen ondoan. Lurrean daudenak patatak izango dira, beraien helburua lurrean gelditzea izango da. Bata besteari ondo helduta elkar lagunduko dute, zutik gelditu diren bi nekazarien saiakerei aurre egiteko.

 Zutik gelditu diren bi kideak berriz nekazariak izango dira eta beraien helburua patata guztiak lurretik ateratzea izango da. Lurretik ateratzen den patata bakoitza nekazari  bilakatu daiteke jolasa bizkortzeko.

Jolasa patata guztiak lurretik ateratzean amaituko da.

Jolasa hasi aurretik arauak ondo zehaztu behar dira, beti ere minik ez hartzeko helburuarekin.  Talde bakoitzak adostu ditzake arau hauek, kilimak bai edo ez, gorputzeko zein atal ezin daitekeen ukitu,…

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading