Quantcast
Guraso.eus

Semearen / alabaren gutuna Aitarentzat /Amarentzat

  • Zure maitasuna eta errespetua behar ditut; jakin badituzula barruan, sentitzen
    dituzula… ukitzen nauzunean, begietara lasaitasunez begiratzen didazunean, adoretzeko hitzak esaten dizkidazunean, aintzat hartzen nauzunean, nirekin konfiantzaz eta hurbiltasunez jolasten duzunean…

  •  Une batzuetan, elkarrekin gaudenean, zure arreta benetan niretzat izatea Behar dut! eta ez, egin behar dituzun “mila kontu” horietarako. Ez dut nahi ezer egotea gure artean, ez telebista, ez janaria, ez WhastAppa, ez gainerakoa, ezer ez.
  • Gertu egon gaitezen behar dut, batzuetan elkarrekin lo egitea, eta jolastea… zenbat eta gehiago, orduan eta hobeto!
  • Entzun diezadazun behar dut, eta kontatu ahal izatea nola sentitzen naizen, eta gaur zer ikasi dudan, nik zuri entzutea eta zutaz jakitea, nola sentitzen zaren ezagutzea
    bezainbeste.
  • Zuk nire iritzia  eta  pentsatzen dudana  entzutea behar dut, eta nire erabakiak nik neuk hartzea; zuk balioa ematea eta kontuan hartzea. Bestela, inoiz ezingo naiz izan ni neu,eta ez nauzu ezagutuko.
  •  Benetako errespetua  behar dut. Hitz iraingarriak, ahots-doinu gogorra, keinu txarrak , epai  edo gaitzespenak, kolpe edo mehatxuak…  minez grabatzen
    dira nire  gogoan, nahastu egiten naute, eta nire autoestimua suntsitzen.
  •  Nirekin zaudenean sentitzen dudan segurtasuna eta zure gogoa sarri
    eskuragarri egotea behar dut, bestela nire bizimodua lotsatia eta beldurtia bilakatzen baita. Baina, era berean,  galtzen naizenean eta portaera irrazionala dudanean zure muga arduratsuak behar ditut.
  1. Zure lanaz harro egon zaitezen behar dut, eta hazten ari naizen honetan zure laguntza
    izatea. Bai eta zeure burua erabat maite izatea ere.
  • Zure berbak eta jokabideak bat etortzea behar dut, zu baitzara nire eredua. Eta zure
    kontzientzia esna egotea (ahalik eta gehien), eta gauza berriak ikasteko malgua izatea.
  • Naizen bezala onar nazazun behar dut. Zure maitasuna eta onarpena izateko dudan beharra, gauza jakin batzuk onar eta egin ditzadan erabiltzeak min handia eragiten dit, eta zugandik banantzen nau. Ez dit balio “Zure hobe beharrez ari naiz” horrek, maitasun eta estimu-beharra ez da erosten edo saltzen. Nik zu baldintzarik gabe onartzen eta maitatzen zaitudan bezala espero dut zuk egitea.
  • Erratu, erronkei aurre egin, gauza berriak bizitzeko beharra dut. Badakit nire akatsek edo saiakerek beldurra eta ezinegona eragiten dizutela; hala ere, ulertu behar duzu
    probatu eta erratu beharra dudala, horrela ikasten dudalako, horrela ateratzen ditudalako neure ondorioak. Nahi baduzu, zure laguntzarekin, izango dut bizitzako erronkei aurre egitea.
  • Espero dut, munduaz, gizarteaz eta bizitzaz dugun ezagutza-maila desberdina elkarri laguntzeko aukera bat izatea ; ez erabiltzea ni engainatzeko eta, horrela, zuk nahi bezala eta eroso zaizun moduan joka dezadan lortzeko. Badakit ez dela erraza, badakit izugarri ahalegintzen zarela biontzat onena egiten, baina egia behar dut, eta zure zailtasunak azaltzea. Uler dezaket.
  •  Bihotz-bihotzez, behar dut, zu bakarrik ez egotea. Lagunduko dizun jendea behar
    duzu ni zaintzeko eta hazten laguntzeko eginkizun zail honetan. Gainera, oso gustuko
    dut zure lagunak ezagutzea, zure bizitzako parte bat ere badira, eta zurekin zerikusia
    duen guztia nire interesekoa da.

 

  • Bukatzeko, ni haserretzea  naturala dela jakitea behar dut , negar egitea,
    zentzugabekeriak esatea, nire frustrazioa eta etsipena agertzea, beldurrak jota egotea…benetan, on egiten dit, eta behar handia dut! Nahi nuke hau  guztiak ez galaraztea, horrela askatu  dezakedalako barruan  min eragiten didan hori, eta horrela egiten diedalako aurre modu egokienean  bizitzako zailtasunei… mundu honetara iritsi nintzen egunetik bertatik (hori ez zen izan erraza!). Asko dago sendatzeko. Ez kezkatu eta ez beldurtu, ondo dago horrela izatea; nahikoa da ulertzea eta nire ondoan geratzea. Ez badidazu eragozten, oso ondo dakit nola egin.

Aita, ama… gogoan izan zoragarria zarela.

Hau guztia irakurritakoan gure harremanera merezi dugun eta beti nahi izan duzun
maitasuna ekartzea lortuko dugulakoan, eskerrik asko zure eguneroko arretagatik, eta
eskerrik asko zure ahalegin ikaragarri eta miresgarriagatik.

Nik ere onena nahi dut zuretzat.

Maite zaitut.
Zure semea, zure alaba.

Juan Manuel Feito Guerrero,
‘Piper Txuriak’ elkarteko kidea (www.pipertxuriak.com)

ghi.bizkaia@gmail. com (Errespetaturiko gaztaroaren alde, heziketa pozgarriaren alde)

Juan Manuel Feito Guerrero

Urteak eman ditut gorputz- eta kirol-jardueretako teknikari, eta, nerabezarotik gaur arte, herri-hezkuntzan dihardut. Gizarte Hezkuntza ikasi nuen. Umeekin entzute-jolasa egitea maite dut (hau ere suspertzen dut gizartean), eta beraien askapenaren aldeko aliatu amorratua naiz. 'Aitalaguna' egitasmoaren sortzailea naiz. 2008. urtean, Bilbon, 'PIPER TXURIAK' sortu genuen, berdintasunaren aldeko eta sexismoaren kontrako gizonen elkartea. Harrezkero, berdintasunaren eta maskulinitatearen gaineko jarduerak dinamizatzen eta prestatzen ditut (hitzaldiak, ikastaroak, tailerrak eta jardunaldiak); hartzaileak jatorri eta adin oso desberdinetako pertsonak direlarik, udal, ikastetxe, unibertsitate eta gizarte-erakundeekin elkarlanean antolatuta. Baita Guatemalan ere. Berdintasun Agentea naiz 'Deustu-San Inazioko (Bilbo) Arreta Psikosozialeko Moduluan'. 'Gizon Sarea'-ko (Sexismoaren kontrako gizon euskaldunen sarea) kidea naiz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading