Quantcast
Guraso.eus

Puron ibaiaren xenda, Araban

Arabako Lalastra herrian dagoen Valderejo natur parkeko interpretazio zentrotik abiatuko gara. Ondo seinaleztatutako xenda da. 7,7 kilometroko ibilbidea da proposatzen duguna.

Bidexkatik 3,6 kilometro egin eta gero Erribera herrira iritsiko gara. Guztiz abandonatuta dago. Eliza erromanikoa bakarrik dago zutik belardi zabal batean.

Jarraitu beharreko bidea, beste behin, ongi seinalaturik dago. Gurea ‘Puron ibaiaren xenda’ da, ibaiaren ezkerreko aldetik doana. 600 bat metro inguru egingo ditugu belardi bat zeharkatzen eta orduan bidea estutu egingo da eta baso batean sartuko gara. Laster entzungo ditugu Puron ibaiaren hotsak eta arroilaren alderik estuenean sartuko gara. 800 bat metro egin ostean haitzetan iltzaturiko pasabide metaliko batera iritsiko gara. Egurrezko Zubi batetik ere pasako gara.

Kareharrizko hormatzarren artean egingo ditugu gero pare bat kilometro eta Burgosko Tobalina haranean dagoen Herran herrira iritsiko gara. Herranera iritsi aurretik, ezkerrera, atseden-eremu bat dago mahai eta guzti. Herri sarreran dagoen zubia hartulo dugu erreferentziatzat, eta bide beretik egingo dugu itzulera.

Argazkiaren iturria: turismo.euskadi.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading