Quantcast
Guraso.eus

Plana familian: Zarautz-Getaria itsas ibilbidea

Itsasoak badu zerbait berezia… itsas brisa, olatuen joan-etorria, usaina… Gaurkoan proposatzera gatozen ibilaldiak itsasoa du protagonista; izan ere, Zarautz-Getaria-Zarautz itsas ibilbidea aukeratu dugu.

Oinezkoentzako egokitutako ibilbide batek lotzen ditu Zarautz eta Getaria. Gipuzkoar kostaldeko bi herri horien artean lau bat kilometroko distantzia dago eta paseoan egiteko ibilbide polita da itsas bazter bazterretik doana.

Autoen zirkulaziorako den kostaldeko errepidearen kontran doa oinezkoentzako bidea, baina ez da zirkulazio handia ibiltzen eta ez du trabarik egiten paseoan eta berriketan doazen oinezkoentzako.

Bide beretik egin beharko dugu itzulera. Guztira zortzi bat kilometroko distantzia egingo dugu oinez. Tarteka ikusten badira ere itsas ibilbidean debekatuta dago bizikletekin ibiltzea. Zarautz eta Getaria artean, erdiparean edo, komun publikoak daude. Eta tarteka badaude iturriak.

Ez galdu aukera eta gozatu ederra da eta parajea! Gainera bai Zarautzek bai Getariak interesgarriak diren aukera handiak eskaintzen dituzte.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading