Quantcast
Guraso.eus

Plana familian: Xorroxin ur-jauzia, Baztanen (Nafarroa)

Baztanek txoko ikusgarri asko ditu, eta politenetako bat Xorroxin ur-jauzirako xenda da. Pagoz eta gaztainondoz inguratuta egingo dugu ibilbidea, eta Bidasoa ibaiaren sorburua ikusiko dugu amaieran; Xorroxin ur-jauzia.

  • Luzera: 6,9 kilometro.
  • Iraupena: pare bat ordu.
  • Zailtasuna: ertaina.
  • Desnibela: 145 metro.

Erratzu herrian dago Xorroxin. Ubidea kaleko aparkalekuan utzi behar da autoa. Ingurukoek eskatzen dute ez aparkatzeko Gorostapolo auzorako bidean arazoak sortu izan dira-eta zirkulazioan. Ubidea kaleko aparkalekutik NA-2600 errepidea gurutzatuko dugu, eta baita ere Aranea erreka gainditzeko eginda dagoen zubia.

Xenda Iñarbegiko errekaren ondotik doa, eta Gorostapoloko ermitarainoko bidean beste bi zubi txiki igaroko ditugu. Inguru horretan hasten da seinaleztatutako zatia.

Pagoekin eta gaztainondoekin osatutako baso batean sartuko gara. Ur-jauzi bat agertuko zaigu lehenengo, baina ez da Xorroxin. Aurrerago jarraituta iritsiko gara helmugara.

Umeekin erraz egiteko moduko xenda da, eta leku freskoa da udako eguraldi sargoriarekin. Ausartenak bainua ere hartzen dute Xorroxingo ur-putzuan. Euria bada, berriz, oso leku hezea da. Lokatza egiten da eta mendiko botak jartzea gomendatzen da.

Autora itzultzeko bide berdina egingo dugu bueltan.

Argazkiaren iturria: Txeng Meng

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading