Quantcast
Guraso.eus

Plana familian: San Marko gotorlekua

San Marko gotorlekua pribilegiozko tokian kokatuta dago. Donostiatik hamar kilometro baino gutxiagora eta naturan murgildua. Bere kokapena dela-eta, gipuzkoar kostaldeko behatoki garrantzitsuenetako bat da. Bertatik Kontxako, Pasaiako eta Txingudiko badiak ikus daitezke.


Bizarain mendian kokatutako eraikuntza militarra da. XIX. mendean eraiki zuten Errenteria defendatzeko. Gaur egun ez du erabilpen militarrik. Armadak 1970an utzi zuen eta egun Lau Haizeta izeneko parkean integratuta dago ekipamendu ludiko eta kultural bezala.

Ezagutu bere sekretuak

Posible da gaur egun gotorlekua barrutik ikusi. Bisita gidatuak egiten dituzte eta nork bere kontura bisita egiteko aukera ere badago. Eraikuntzaren historia ezagutuz 100 urte egiten du atzera bisitariak.

Hala, aukera dago gotorlekua barrutik ikusteko, kanpoan dauden jolas eremuetan ibiltzeko zein gotorlekuaren inguruan daude bide balizatuak egiteko. Atsedenlekua ere bada San Markosen. Mahaiak daude nork bere etxetik eramandakoak jateko.

Gotorlekuan bada gela bat bisitariari arreta emateko. Azpiko espazioetan, berriz, gotorlekuko jarduera militarra birsortu da hainbat erreplika ezarriz: metrailadoreak, kanoiak, soldaduak, artilleria…

Aparkalekua dago San Markos gotorlekuan, baina plaza mugatuak daude.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading