Quantcast
Guraso.eus

Plana familian: Orbaitzeta eta Arlekia

Orbaitzetako arma fabrikatik abiatzen den 8,9 kilometroko ibilbide zirkularra proposatzera gatoz. Aurreikusi behar da ordu eta 40 bat minutuko irteera dela.

Orbaitzetako arma fabrikatik abiatuko gara eta ehun bat metro egindakoan, azken nekazaritza-nabearen ostean, hesi bat gainditu beharko dugu. Ezkerreko aldera egiten duen xenda hartuko dugu orduan. Pagadi batera eramango gaitu.

Kilometro bateko tartea egindakoan Arlekiko gaztelura doan bidexka hartzeko aukera izango dugu. Igoera malkartsua da, baina pena merezi du.

Aurrera jarraitzeko hasierako bidera itzuli beharko dugu. Bide ia guztia pagadi batean egingo dugu. Salbuespena da goiko aldeko bide zatia. Zati hori belardi eder bat da.

Jaitsierako xenda Itolatz errekaren kontra egingo dugu, eta berriz ere iritsiko gara Orbaitzetako arma fabrikara.

Irudiaren iturria hemen.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude