Quantcast
Guraso.eus

Plana familian: Marion eta Mouriscot lakuak, Biarritzen

Nork ez ditu Biarritzeko hondartzak ezagutzen? Zoragarriak dira, baina Lapurdiko herriak baditu oso erakargarriak diren beste txoko asko. Marion eta Mouriscot lakuak, esaterako. Bost eta zortzi kilometro arteko ibilbideak egokitu dituzte, eta ingurune ederra da familian gozatzeko.

Marion lakua erdigunetik oso gertu dago. Urteetan abandonatuta egon ostean berriki egin dituzte eraberritze lanak. Hogei hektarea hartzen ditu eta horietatik bost hartzen ditu ur eremuak. Aisialdiko arrantza egiteko, jarduera fisikoa egiteko edo etxekoekin gune natural honetaz gozatzeko asko dira inguru honetara gerturatzen direnak.

Mouriscot lakua Miarritze eta Bidarte artean aurkitzen da, eta eremuak 110 hektarea hartzen ditu. Natura 2000 izendapenaren barruan aurkitzen da.

Hiru ibilbide zirkular egiteko aukera dago ‘Lakuen ibilbideak’ izeneko proposamenaren barruan. Hirurak daude seinaleztatuta eta errazak eta ludikoak dira. Ezinezkoa da galtzea.

8 kilometro: Ibilbide luzeena da. Milady hondartza, Marbella araztegia, Bartxalot errekatxoa, Marion lakuko pasabidea eta Mouriscot lakuko bideak hartzen ditu bere baitan. Zalditegi paretik pasatzen da eta baita ere Biarritzeko akuariotik. Hemen ibilbidea.

5 kilometro : Zortzi kilometroko ibilaldiaren barruan bost kilometroko beste bi daude aukeran. Batak Marion lakuaz eta haren inguruneaz gozatzeko aukera emango digu, eta besteak Mouriscot lakuaz.

. Marion lakua. Hemen.

. Mouriscot lakua. Hemen.

Argazkien iturria: Biarritz Tourisme

https://ville.biarritz.fr/fileadmin/user_upload/biarritz/Ville/telechargements/ConservatoireLittoral-Mouricot-HD.pdf

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading