Quantcast
Guraso.eus

Plana familian: Holtzarteko zubi ikusgarria, Zuberoan

Ederra da Holtzarteko zubia, eta zirraragarria da zintzilik dagoen egurrezko pasabidearen barrena urratsak ematea. Esan gabe doa ez dela bertigoa dutenentzako; izan ere, 580 metroko altueran kokatuta dago.

Hain zuzen ere, ikusgarria eta zirraragarria delako jende asko erakartzen du batez ere eguraldi oneko egunetan. Larraine herrian dago zintzilik dagoen zubia eta ehun urteko historia du. Olhadibida erreka pasatzen da azpitik.

Zuberoako Larrau herritik bizpahiru kilometrotara dagoen Logibar jatetxe-albergetik irtenda iritsi daiteke Holtzarteko zubira. Logibarretik (380 m.) RD-26 ibilbidea jarraituz, hain zuzen ere.

Nahiko bide maldatsua da, baina bukaerak merezi du. Oinez 45 bat minutu egin ostean iristen da zubira. Kontu handiz ibili behar da euriak bidea buzti badu, oso labainkorra bihurtzen du-eta.

1920an eraiki zuten zubia basogintza lanetan inguruan ziharduten baso-mutil italiarrek. Egurra ateratzeko modu bat behar zuten eta arroila sakona zeharkatzeko altxatu zuten zubia.

2010ean segurtasun lan garrantzitsuak egin zizkioten Holtzarteko zubiari; izan ere, kalte handiak eragin zizkion Xynthia urakanak.

Oso gertu daude Kakuetako arroilak. Ikusgarriak dira baita ere. Inguru guztia da zoragarria.

Distantzia: joan etorria 4.5 km.
Desnibela: 260 m.
Iraupena: ordu eta erdi, oinez.
Zailtasun maila: maldatsua, baina erraza.

Argazkia: Eneko Bidegain

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading