Quantcast
Guraso.eus

Onintza Zubizarreta: “Zigorrek ez dute ume ezta gurasoen ikasketa prozesuan laguntzen”

Onintza Zubizarreta Terapeuta Holistikoa da eta “Nola hitz egin zure seme-alabei” tailerraren gidaria. Tailerraren bitartez ume eta gurasoen osasun fisiko zein emozionala hobetzeko aholku eta jarraibideak ematen ditu. Abenduaren 13an, Berrizen egingo du hurrengo tailerra.

Onintza Zubizarreta, Terapeuta Holistikoa

Zer da “Nola hitz egin zure seme-alabei” tailerra?

Gurasoentzako entrenamendua da, egunerokotasunean baliabideak kudeatzeko. Hau da, seme alabekin komunikatzaileago zein enpatikoagoa izatea lortzea da tailerraren helburu nagusia. Izan ere, denok saiatzen gara gure seme alaben lekuan jartzen, ulertzen, komunikatzen… baina sarritan prisagatik, lanagatik eta denbora faltagatik ez gara behar bezala umeekin komunikatzen. Hau gertatzen denean umeak itxi egiten dira; gure jarreren arabera asko aldatu daiteke umeen nortasuna. 

Tailerra guraso, irakasle edo eta umeekin lan egiten duen edozein pertsonarentzako zuzendua dago. Baita nerabeen gurasoentzako ere, izan ere inoiz ez da berandu gure seme-alabekin dugun erlazioa hobetzeko.
Gurasoekin erlazio osasuntsu bat izatea oso garrantzitsua da seme-alabentzat. Erlazio seguru honek guraso eta umeen arteko komunikazioa asko erraztuko du eta beharrezkoa da.

Zigorrak ekiditzearen inguruan asko hitz egiten da azken urteetan… Zuk zigorretan sinisten duzu?
Ez, zigorrek berehalako efektua dute baina benetan ez du esperimentatuko bizipen horretako ikasketa. Bide laburra da, baina etorkizunerako ez da onuragarria. Umeak erratu behar dira eta horretatik ikasi behar dute. Zigorrarekin ez da konfiantza ezta enpatia lantzen, ez dugu egin duenaren inguruan hausnartzen… Beraz, zigorra ez da ikasteko metodoa ez gurasoentzat ezta umearentzat ere.

Gurasoen artean gaiaren inguruan hitz egitea garrantzitsua da?
Bai, gurasoen artean komunikazioa existitzea oso onuragarria da. Izan ere, beste ume eta gurasoen jarrerengandik asko ikasi daiteke. Besteen esperientziak asko aberasten dute, agian zure egoeratik pasa direlako eta bidea errazteko aholkuak dituztelako. Elkarrengandik asko ikasi daiteke. Tailer hau ez da bakarrik teoria botatzea, baizik eta gurasoek bere seme-alabekin konektatzea. Konexioa lortuz gero, gure esku-hartzea oso ezberdina da. Gure seme alabak sentitzen duena ulertzen duzunean, bidea asko errazten da erabakiak hartze aldera.

Tailer honetatik gehien gustatzen zaidana, bihotzak irekitzea da. Bihotzak zabaltzean komunikazioa askoz errealagoa bihurtzen baita. 

Norbaitek informazio gehiago nahi izanez gero, sartu www.ereneka.eus webgunera.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading