Quantcast
Guraso.eus

Nola eragiten die Instagramek haur eta nerabeei?

Empantallados.com webgunean argitaratu zuten  Charo Sádaba kazetariari egindako elkarrizketa hau. Sádabak  teknologiak haur eta nerabeengan duen eraginaren inguruan ikertu du eta gai  honen inguruan aditua da.

Instagram sareak haur eta nerabengan duen eragina  aztertu zuen bideo honetan , baita lotutako beste kontu batzuk ere.

 Kultura bisuala: Gaur egungo haur eta nerabeak ohituta daude irudien bitartez komunikatzen  eta Instagram tresna bisual da,  norberaren  irudia erakusten duen tresna hain zuzen.  Gurea erakusteaz gain besteena ere ikus dezakegu tresna honekin eta  noski, konparatu. Nerabeak inguruko jendearekin konparatzen dira, lagunekin, gertukoekin … baina baita pertsonaia famatuekin edo influentzia dutenekin ere.

Konparatze hau arriskutsua izan daiteke.  Haur eta nerabeek beraien buruengan ikusten ez duten edertasuna besteengan ikusi dezaketelako eta egoera hau kudeatzeko gaitasuna oraindik garatu gabe  izan dezaketelako.

Aztarna Digitala: Garbi adierazi behar diegu gure haur eta nerabeei sarean elkartrukatzen den guztiak aztarna uzten duela. Aztarna horiek gure irudi digitala osatzen dute. Irudi hau norbaitek erbaitetarako  osatu dezake etorkizunean guk utzitako aztarnak batu eta  erabiliz.

Influenzerrak: Instagram, youtube edo beste sare sozialak erabiliz eragiteko gaitasuna duten pertsonak dira.  Garbi esan behar diegu haur eta nerabeei hauetariko asko eta askok hau lanbide dutela, sortzen dituzten bideo eta bestelakoak beraien lana direla. Duten irudia, janzten dituzten arropak, prestatuak direla guk ikusi eta  guregan eragiteko.

Zer egin gurasook?

Instagram nerabe gehienentzat tresna beharrezkoa dela onartu behar dugu;  Onartu eta ulertu behar dugun tresna da , gure gurasoek guk erabiltzen genituen beste tresna batzuk onartu zituzten moduan.  Agian, guraso  moduan instagramen erabilerari buruz egin dezakegun saiakera,  itxuran baino bestelako kontuetan arreta jartzearena da. Itxura fisikoa erakustea baino nerabearen beste zaletasunen , hobbyen irudia sortzera anima ditzakegu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading