Quantcast
Guraso.eus

Nieves Urrutia Pranzoni: “Arreta handiagoa eskaini behar diogu gure seme-alabek jaten dutenari”

Elikadura osasungarria gure gorputzerako positiboa den elikagaien bilketa da, behar biologikoak asetzeko, eta energia fisikoa eta bizi-energia berreskuratzeko elikagaiak hain zuzen. Azken urteetan, adituak ohartarazten ari dira animalia-proteina gehiegi irensten dugula. Masan dauden proteina horiek, gero eta gaixotasun gehiago sortzen dituzte, eta gainera, klima aldaketa elikatzen dute. Bestalde, gantz eta azukre finduaren bidez jaten ditugun kaloria hutsei buruz ere ohartarazi dute adituek. Nieves Urrutia Pranzoni dietetika, nutrizio eta dietoterapia espezialistarekin hitz egin dugu gaiaren inguruan.

Nieves Urrutia Pranzoni, dietetika, nutrizio eta dietoterapia espezialista

Zertan datza elikadura osasungarria?

Niretzat oso sinplea da; produktu naturalen kontsumoa handitzea, haragiaren, arrainaren eta arrautzaren kontsumoa gutxitzea, eta azukrearen kontsumoa gutxitzea.

Orain dela 50 urtera arte, irensten genuen elikaduraren %20a animalia zen; orain, berriz, %50era edo %70era iristen da. Horrek purina pila bat sortzen ditu, eta gainera, gure odola azidotu egiten du, desmineralizazioa sortuz. Guzti hau gure digestio-hodiko minbiziekin lotuta dago, hala nola kolon hodiarekin.Behar ez den bezala elikatzeak kalte egiten dio gure osasunari. Gainera,  kilo bat haragi ekoizteko, 16 kilo landare proteina ekoitzi behar dira. Beraz, nik landare proteina gehiago kontsumitzen badut, zereala eta lekalea oinarri hartuta, animalien gehiegizko proteinaren ondorio kaltegarriak saihestuko nituzke, bai nigan eta bai nire inguruan. Oso sinplea da; animalia-proteinaren kontsumoa murriztu behar da, eta zereal, lekale, barazki, fruta, fruitu lehor, hazi eta abarren kontsumoa handitu behar da. Eta horri guztiari haragi, arrautza, arrain … pixka bat gehituta, elikagai eta konbinazio ugari ditugu.

Bestalde, nik 40 urte ditut, gure belaunaldia kanpoan lan egitera asko bideratu garen pertsonak gara, eta etxean gauzak egiteko ohitura galdu dugu. Batzuetan auretik egindako janaria eramaten dugu lanera, eta elikagai horiek, erabat desnaturalizatuta daude. Jaten dugunari eta jaten ez dugunari arreta handiagoa jartzen hasi behar dugu. Gure seme-alabentzat ere eredu bikaina izan ahal izateko.

Zenbat aldiz jan behar dugu egunero?

Bakoitza mundu bat gara; jardueraren eta fisiologiaren araberakoa da. Batzuek metabolismoa azkarragoa dute, beste batzuek motelagoa … Oro har, batez ere haurrengan, 4 edo 5 otordu egitea gomendatzen dut. Gosari ona, bazkari ona, eta ondoren kopurua gutxitzen joatea. Beti etortzen da ondo afari arin eta goiztiar bat.

Elikadurari dagokionez, zein aholku emango zenieke gurasoei?

Haur batentzat elikagairik onena maitasuna eta errespetua dira. Batzuetan guk ere egiten ez ditugun gauzak irakatsi nahi dizkiegu. Nik ezin diot esan gominola bat txarra dela, eta gero, igandean, litxarreria denda batera eraman. Erretzea txarra dela esatea bezala da, guk erretzen dugun bitartean. Niretzat, guraso gisa, garrantzitsua da koherentziari eustea. Eredu izan behar gara, haiekin afaria prestatu behar dugu, hainbat jaki azaldu behar dizkiegu … batzuetan gauzak okerrak edo egokiiak diren edo ez horretan zentratzen gara… Niretzat garrantzitsuena osasungarriak ez diren gauzekin saririk ez ematea da. Ez dut esaten litxarreria bat jan ezin dudanik, baina esaten badiezu azukre asko jatea txarra dela, litxarreria bat ematea ondo portatzen direnean, ez da koherentea.

Kontuan hartu beharreko beste gauza bat da, askotan, presaka jaten dugula, gogorik gabe… Garrantzitsua da janariari merezi duen garrantzia eta denbora ematea. 

Informazio gehiago nahi izanez gero, sartu nire webgunean: https://www.gustubilbao.com/ 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading