Quantcast
Guraso.eus

Nerea Aizpurua: “Irakurketa errazeko liburuek irakurtzeko edo ulertzeko zailtasunak dituzten umeak laguntzea dute helburu”

Lectura Facil Euskadi Irakurketa Erraza elkartea sarritan arretarik jasotzen ez duen jendearekiko sentsibilizaziotik sortu zen: irakurtzeko edo irakurtzeko zailtasunak dituzten pertsonekiko sentsibilizaziotik. Kolektibo zabala da, eta biztanleriaren% 30ek material espezifikoen funtsa behar du irakurketaz gozatu ahal izateko, kulturarako sarbidea izateko eta informaziorako eskubidea izateko. Guzti honi erantzuna emateko asmoz, Irakurketa erraza Euskadik liburu sorta bat argitaratu izan du. Honen inguruan hitz egin digu bertako kide den Nerea Aizpurua Iraolak.

Nerea Aizpurua Iraola, Lectura Facil Euskadi Irakurketa Erraza elkarteko kidea

Zer da Lectura Facil Euskadi Irakurketa Erraza elkartea?

Irakurketa-demokraziaren printzipioan oinarrituta dago, eta irakurketa errazaren (IE) bidez pertsona horiek gizartean integratzeko eta hauen bizi-kalitatea aberasteko bide bat da. Eta faktore horrek guztion bizitzan eragina duenez, balio erantsia ematen dio gizarteari, oro har. Irakurketa erraza, beraz, kontu handiz landutako irakurketa-materialak, ikus-entzunezkoak eta multimedia-materialak eskaintzeko modu bat da, irakurtzeko eta/edo ulertzeko zailtasunak dituzten pertsonek irakurtzeko eta ulertzeko aukera izan dezaten.

Zer dira irakurketa errazeko liburuak eta zenbat argitaratu dituzue?

Formatu errazean idatzitako liburuak dira. Irizpide zehatz batzuen arabera idatzita daude eta gure liburuak irakurmen eta ulermen zailtasuanak dituzten pertsonentzako zuzenduta daude. Hau da, gure liburuak behin irakurrita irakurtzeko gai izan daitezen eginak daude. Erraz irakurri eta ulertu ahal izateko.
Kopuruari dagokionez, euskeraz, 25-30 izenbururen artean. Laister batzuk argitaratuko dira eta gure gogoa gero eta gehiago egitea da, emaitza bikainak lortzen baitira liburu hauen laguntzarekin. 2 hilero behin liburuak argitaratzen ditugu, azkena Durangoko Azokan atera genuen eta horrela jarraitzea espero dugu.

Zein adinetarako daude zuzenduta?

Adin guztietarako liburuak ditugu. Egia da euskeraren errealitatean txikientzako liburuak limitatuak ditugula. Baina adin guztietarako ditugu izatez. 11 urtetik gorakoentzat, esaterako, asko ditugu. 

Zeintzuk dira liburu hauen abantailak?
Lehengoan irakurtzeko gai izateko testuak dira, literaturaren atsegintasuna galdu gabe. Formatu arruntarekin alderatuz ezberdintasunak badaude, baina zailltasunak dituztenentzat aldea handia da. Liburuaren ezaugarriak hurrengoak dira; hizkuntza sinpleagoa, gramatika simpleagoa, esaldi zuzenak eta motzak, parrafo motzak… Irakurketa erraza formatuan idatzit daude azken finean. Gainera, hiztegia zabaltzen joateko aukera ona da. Izan ere, hitz zailak izan daitezkeenak modu errazean definituta etortzen dira. Formatu honi esker irakurketan aurrerapausu handiak eman ditzakete. 

Gure formatua ez da betirako izan behar, hasieran hasteko balio dezake, eta gero irakurketa arruntera pasatzeko zubi izan daiteke.

Gainera, motibazioa sustatzea ere dakar. Orain arte ulertu ezinik ibili ondoren, liburu bat ulertzeak umea asko motibatu dezake.

Non lortu daitezke liburu hauek?
Gure liburuak udal liburutegi gehienetan daude. Hala ere, euskal liburutegien sarean daude, beraz, bertara joan eta irakurketa errezeko liburuengatik galdetuz gero emango dizkizuete. Liburudenda askotan ere badaude; joan eta galdetu gure liburuengatik.Bestela https://lecturafacileuskadi.net/  webgunean sartu liburuen gaineko informazio gehiago lortzeko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading