Quantcast
Guraso.eus

Nagore Iñurrategi: “Lengoaia eta mintzairaren nahasmendua goiz antzematea oso garrantzitsua da”

Nagore Iñurrategi, Mondragon Unibertsitateko Entzumena eta Mintzaira espezializazioko koordinatzailea da. Aurtengoa espezializazioaren lehengo urtea izango da eta irakasleak erantzun globalagoa emateko gai izatea da honen helburu nagusia. Izan ere, diagnostiko eta lanketa goiztiar batek nahasmendua patologia bihurtzea ekiditu dezake.

Nagore Iñurrategi, Mondragon Unibertsitateko Entzumena eta Mintzaira espezializazioko koordinatzailea

Zer da lengoaia eta mintzairaren nahasmendua?

Lengoaia eta mintzairaren nahasmenduak pertsonen garapenean agertzen diren nahasmenduak edo ez ohiko egoerak dira. Arrazoiak hainbat izan daitezke, eta arrazoiaren arabera eskuhartzea ere desberdina da.

Hainbat nahasmendu daude; hizkeran edo artikulazioan agertzen diren patologiak, mintzairaren nahasmenduak, entzumenarekin lotutako nahasmenduak, edo eta irakurketan sortzen diren nahasmenduak esaterako.

Zein oztopo daude esparru honetan?

Eskoletan trabak agertzen dira hizkera edo eta lengoaian eta irakasleek sarritan ez dakite nola jokatu. Espezializazioa oztopo honi aurre egiteko helburuarekin jaio zen. 

Oztopoak bi esparru ezberdinetan sailkatzen ditugu; mintzaira eta komunikazioa. Mintzairaren kasuan, ahozko hizkuntzan azaltzen diren nahasmenduak dira, artikulatzerakoan sarri agertzen direnak. Komunikazioaren arazoei dagokionez; komunikazioa eraikitzeko dugun nahasmendua lantzen dugu. Gure helburua irakasleak formatzea da, erantzun egokia eman dezaten nahasmendu hauen aurrean.

Garrantzitsua da guraso zein irakasleek nahasmenduak ezagutzea?

Bai noski, guretzako garrantzitsua da komunikazioa bultzatzea. Guztiok beharrezkoa dugu komunikatzea, beraz, nahasmendu hauek txikitatik lantzen hastea garrantzitsua da. Gaur egun eskoletan detektatutako nahasmenduak eskolatik kanpo lantzen dira askotan; logopedan… Baina espezializaio honekin irakasleek erantzun bat emateko gai izango dira, egunerokotasunean. Irakasleak erantzun globalagoa emateko gai izatea da gure helburu nagusia. Izan ere, diagnostiko eta lanketa goiztiar batek nahasmendua patologia bihurtzea ekiditu dezake.

Espezializazio berria estreinatzen duzue arazo honi erantzuna emateko.

Bai, 2020ko urtarrilaren 24tik aurrera, aipamen berri bat eskainiko du Mondragon Unibertsitateko Humanitate eta Hezkuntza Zientzien Fakultateak Lehen Hezkuntzako ikasketak dituztenei: Entzumena eta Mintzaira.

Gainera, Lehen Hezkuntzan graduatuak diren pertsonen haratago, Haur Hezkuntzako graduatuei edo entzumenaren, mintzairaren eta lengoaiaren nahasteetan eta hauen esku-hartzean lan egiten duten edo lan egin nahi duten bestelako profesionalei (psikologoak, pedagogoak…) zuzendutako Espezializazio Diploma formatuan ere eskainiko du programa hau Humanitate eta Hekuntza Zientzien Fakultateak: Entzumenaren eta Mintzairaren Nahasteetan eta Esku-hartzean Espezializazio Diploma.

Klase gehienak adituek emango dituzte, errealitateko esperientziak nahai gainera ekarri eta lehen eskutik bizi izandakoak kontatu eta hauen inguruan hausnartu ahal izateko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading