Quantcast
Guraso.eus

Mendizaletasuna haurtzarotik bultzatzeko ekimena, Gipuzkoan

Haurren artean mendizaletasuna bultzatzeko helburuarekin hiru kartel digital prestatu dituzte Gipuzkoako Mendizale Federazioak eta Gipuzkoako Foru Aldundiak –hirurak behean ikusgai–.

Hainbat gomendio irakur daitezke kartel horietan: “Ikasleak motibatzeko eta tutoreek mendiko irteerak antolatzeko, umeen eskubideak zeintzuk diren ezagutzeko, mendizaletasunak ematen dituen onurak ezagutuz naturaz gozatzeko…”. Kartel horiek erabiltzeko eta zabaltzeko eskaera egiten dute Gipuzkoako Mendizale Federaziotik. “Zaletasun osasuntsu hau irakasten badiegu, biharko egunean ondo hezitako mendizaleak eta pertsona osasuntsuagoak lortuko ditugu. Eskerrik asko mendizaletasuna gazteen artean sustatzen laguntzeagatik”.

Eskola Mendi’ programa

Eskola Mendi programa antolatzen du Gipuzkoako Mendizale Federazioak, eta partaidetzan jaitsiera ematen ari zela konturatuta jaitsiera horren zergatien analisia egiteko eskatu zioten EHUko irakasle Luix Mari Zulaikari. “2016ko udazkenean txosten sakon bat egin zuen Haurren artean medizaletasuna sustatzeko egitasmoa. 100 proposamen hobekuntzarako izenburupean.

Gipuzkoako Foru Aldundiaren Kirol Zuzendaritzarekin elkarlanean proposatutako neurria ezartzen joan dira pixkanaka eta emaitzak lortzen ari dira. “Fruituak ematen hasi ziren hurrengo ikasturtean eta gehitu egin da mendizaletasuneko jarduerak ezagutu dituen ume kopurua. Oso onurgarria izan da gainerako entitate kolaboratzaileen elkarrekin egiten ari garen lana –ikastetxeak, elkarteak, komunikabideak–”.

Argibide gehiago

Gipuzkoako Mendizale Federazioa Portuetxe k., 23-B, CEMEI eraikina, 2-15 bulegoa. 20018 Donostia. Tel.: 943.461.440 / gmf-federatuak@kirolak.net / www.gmf-fgm.org

Utzi erantzuna

Zure e-posta helbidea ez da argitaratuko. Beharrezko eremuak * markatuta daude