Quantcast
Guraso.eus

Mahai jolasen gomendioak

2019. urtean ere Olgeta jolaserako  baliabide zerbitzuarekin elkarlanean mahai jolasen  gomendioak eta azalpenak euskaraz argitaratzen jarraitu dugu.  Elkarlaneko ibilbide honetan 40 mahai jolasen azalpenak argitaratu ditugu jada, merkatuan arrakasta dutenak eta adituen ikuspuntutik egokiak direnak.  Itsaso Pagoagaren azalpenek jolasarekin lehen kontaktua euskaraz izatea ahalbidetzen dute  modu argian eta kalitatez emandako argibideekin. Jolas ezberdinak ezagutu nahi badituzu  eta orain arte guraso.eus-en argitaratuan berrikusi, sartu zaitez guraso.eus eko bideoen txokoan edo Txatxilipurdiko youtube kanalean, bertan bildu ditugu denak. Azpian Argitaratu ditugun azkenak.

Kontuz azeria dator

Kontuz azeria dator mahai-jolas kooperatiboa da, 4 urtetik aurrerako umeendako da egokia, eta bi eta sei pertsona artean ibili daitezke batera. Helburua da azeri bihurria oilotokira iritsi aurretik bertan dauden arrautza eta oilo guztiak arriskutik kanpora jartzea.

Altxor distiratsua

5 urtetik aurrerako jokalarientzako da Altxor distiratsua. Bi eta lau jokalariren artean jolasteko da.

Jokalariak dragoi kume izango dira partidan, eta nork bere koloreko harribitxi gehien bildu beharko ditu, baina horretarako harribitxiak eusten dituen izotzezko mendia urtu beharko dute. Dragoi handiaren laguntza beharko dute horretarako

Graviti Maze

Zortzi urtetik aurrerako jokalari bakarrarentzako mahai-jolasa da eta oso entretenigarria.

Maila askotariko erronkak proposatzen ditu eta buruari eragiteko jostailu polita da. Ea gustuko duzuen.

Mihi bero

Txatxilipurdi elkarteko lagunek sortua, sexualitatearen eta feminismoaren inguruko gaiak jorratzeko bidea ematen du Mihi bero-k.

Noraino sakondu? Jokaldi bakoitzak esango du, baina jolasa ikaskuntza bihurtzeko mihiak astindu behar dira ezinbestean!

Postaria

Lau urtetik gorako neska-mutikoentzako da eta helburua da postari lanak azkar eta ondo egitea. Gutunak banatu behar dira etxez nahastu gabe. Ea zer iruditzen zaizuen!

Baobab

Bi eta lau jokalariren artean erabiltzeko jostailua da eta 6 urtetik aurrerakoentzako dago gomendatuta.

Jokalariek baobab zuhaitz handi bat egin behar dute eta helburua da kartarik gabe gelditzen den lehenengoa izatea. Trebezia jokoa izan arren oso giro lasaia eta polita sortzen duen jostailua da. Gozatu!

Speed colors

Zazpi edo zortzi urtetik aurrerako neska-mutikoentzako jolasa da, eta bi eta bost jokalariren artean erabil daiteke.

Proposatutako irudia ondo memorizatu behar da, eta ondoren berdin margotu behar da koloreak nahastu gabe. Ea gustuko duzuen!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading