Quantcast
Guraso.eus

‘Lur eta Amets’ filma, otsailaren 7tik aurrera zinema aretoetan

“Zerbait gurea eskaintzen dugu, zerbait propioa”, azaldu du Eneko Olasagasti gidoilariak. Ezagunak dira aurretik ere Lur eta Amets pertsonaiak. Orain, ordea, animaziozko filma ere badago.

Durangoko Azokan aurkeztu zuten proiektua, eta otsailaren 7tik aurrera izango da zinema aretoetan ikusteko aukera. Proiektuaren nondik norakoak azaldu zituzten Durangon Eneko Olasagasti gidoilariak, Miren Berasategi ekoizpen arduradunak eta Imanol Zinkunegi zuzendariak.

Pelikularen sinopsia

Lur eta Ametsen gurasoek ezkontza bat dute eta bikiak amona Andereren etxean utziko dituzte asteburu pasa. Baina Andereren eta bere katu Baltaxarren boterei esker, ez da asteburu arrunta izango. Bidaia batean murgilduko dira, garai eta sasoi desberdinetan abentura gazi-gozoak bizituz, Euskal Herriaren historian zehar bidaiatuko dute.

Historia-aurrea, Erromatarren garaia, Nafarroako erresumaren sorreran, Zugarramurdiko sorginekin izango dira. Ameriketatik ekarrik berriko txokolatea dastatuko dute, Karlistadetan, Bilbo industrialean, Frankoren garaiak biziko dituzte…

Eta martxa eta borrokarekin dantzatuko dute. Beti izango dira beraiek protagonistak, Andere eta Baltaxarren laguntza ordaingabearekin. Baina, tamalez, gaiztoak, sasoi eta garai desberdinetan, ia beti izango dituzte atzetik.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading