Quantcast
Guraso.eus

Liburu Proposamena: Basoan barrena

Gaurkoan klasiko bat gomendatu nahi dugu. Anthony Brownek idatzi eta ilustratutako Basoan barrena .

2014. urtean egilearen beste liburu bat euskaratzea ospatu genuen eta guraso.eus egitasmora ere ekarri genuen.

Osteratxo bat parkean A Walk in the Park .1976. urtean argitaratu zuen Brownek, gerora etorriko zire klasiko bilakatu diren beste batzuk. Hauetariko batzuk euskaraz irakurtzeko aukera dugu, guztiak gomendagarriak.

  • Tunela (2003)
  • Jon eta Beñat (2005)
  • Jon txapeldun (2005)
  • Nire aita (2005)
  • Nire ama (2005)
  • Urdaburutarrak (2006)
  • Kezkamuxelak (2006)
  • Gorila bat:zenbatzeko liburua (2012)
  • Nola sentitzen zara? (2012)
  • Basoan barrena (2014)
  • Osteratxo bat parkean (2013)

Basoan barrena liburuari erreferentzia egiteko Asun Agirianok 2014. urteko martxoan Gara egunkarian idatzitako kritia ekarri dugu

Basoan Barrena

Surrealistek ahalegin egiten zuten umeek mundua lehen aldiz deskubritzen dutenean bizi duten harridura berreskuratzeko. Izan ere, tamalez, neurri batean, hazterakoan ikusizko irudimena galtzen
dugu, mundua ikusteko harridurapuntua gutxitzen joaten zaigu. Anthony Browne (Sheffield, Ingalaterra, 1946) oso egile interesgarria dugu.
Bere irudien mundutik ez dugu soilik testuak dioena jasotzen, sinbologiaz betetako mezu ezkutuak helarazten zaizkigu, narrazio bihurtzen diren irudiak. Askotan sartzen ditu gordeta dauden figurak, bitxikeriak, txantxak, gauza absurdoak, surrealismotik edaten duten irudiak. Egile handi honek marrazkiak mozorrotzeko abilezia du.

Anthony Brownek, ohikoa dugun liburuen ildotik aldenduz, hitzen eta irudien artean tentsio bat sortzen du berezk duen estiloan. Nolabait, irakurleari irudimenaren bitartez sortzen dituen hutsuneak betetzeko ahalmena ematen dio,irudien eta testuen artean espazio bat zabaltzen du, eta espazio hori irakurlearen imajinazioak betetzeko da. Zentzu horretan, irakurleak ez du berehalako gogobetetzea irabaziko, esfortzua egin behar du.

Basoan barrena” kontakizuna haurrek gehien ezagutzen duten ipuin klasikoaren bertsio librea da, Txano Gorritxorekin lotzen baita berehala. Hemen ere, baso misteriotsua eta arriskuz betea dugu,protagonistak beste ipuin batzuetako pertsonaiekin topo egiten du, esaterako, Hansel eta Gretel, Juan eta Ilurre kixkur.


Bidaia ahaztezina egingo du, amonak otso baten ipuina kontatzen ziola gogoratuz. Basoan zuhaitzak mehatxua dira;ez dakigu benetakoak diren edo izuz beteriko protagonistaren irudimenak sortutako zuhaitzak diren. Teknikari erreparatzen badiogu, basoa eta ipuinen protagonistak arkatzez margotutakoak dira, eta, mutikoa, akuarelaz.

Basoa Browneren “Tunela” izenburuko liburuaren bariazioa da, hasieran protagonistaren adorea desagertuz doa, eta irudimenak burla egiten dio, eta arineketan abiarazi.


Misterioa ipuinaren hasierako orrialdeetan dago: goiz horretan hots izugarri batek haurra esnarazi duenetik, gurasoen arteko liskarra, agian. Aita ez dago etxean, hutsune nabarmena mahaian, ezer ez da dirudiena. Kezkak alboratuta, kontua da protagonistaren amona gaixo dagoela, eta opil batzuk eraman behar dizkiola.


Ipuin klasikoaren antzera, basoa da umeen fantasia eta beldurrak islatuko dituen eremua, hor dugu haurraren arriskuz betetako bidaia, non otsoa agertu ere ez zai gun egiten.

Ipuinak amaiera zoriontsua du, aita gaixo egon den amona zaintzen egon delako. Irribarretsu daude guztiak, abentura ondo amaitu baita. Anthony Brownek ez dio arriskuari muzin egiten. Bere liburuek, sarri, berrikuntzak proposatzen dizkigute, hurbiltzen den irakurleak beti aurkituko du bitxikeriaren bat. Erreferentziaz betetako kontakizunak dira, interpretaziorako giltzarri ugari ematen dutenak, eta xarmagarriak. Itzal handiko egile honen bost liburu bikain ditugu euskaratuta jadanik, denak bereziak eta zoragarriak; arteak zehazki, literaturakgure bizitza aberasteko duen indar-ahalmenaz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading