Quantcast
Guraso.eus

Konfinamendua eta umeen lo-ohitura aldaketak

Ohikoa baino gutxiago irteten dira kalera, itxialdian ematen dute ia egun guztia, apenas dute harremanik lagunekin, eskolako jarduerak etxean sartu dira, egongela edota logelak ikasgela, jolastoki eta jangela bihurtu dira…

Ez da harritzekoa lo ohituretan ere gorabeherak izatea. Baldintza horietan zaila da ordutegiak mantentzea eta egoerak sortzen ditu nahasmendu ugari.

Zenbat orduz egin behar dute lo neska-mutikoek? Ez dago arau unibertsalik, baina bai kontuan hartzeko moduko erreferentzia batzuk.

  • 0-1 urte: 11-14 ordu.
  • 3-5 urte: 10-13 ordu.
  • 6-12 urte: 9-12 ordu.
  • Nerabeak: 8-10 ordu.

Zortzi gomendio

Adituek hainbat jarraibide eman dituzte neska-mutikoen lo ohituretan nahasmendu ahalik eta gutxien gertatzeko. Zortzi jaso ditugu.

  • EGUNEZ
  • Ez atzeratu ordubete baino gehiago ohetik altxatzeko ordua.
  • Egunean gutxienez bi ordu egin beharko lukete argi naturalean. Irakurri, jolastu…
  • Mantendu oinarrizko errutinak: otorduak, higienea, jarduera fisikoa…
  • Gutxitu pantailen erabilera ezinbestekoetara. Neurtu eskainitako denbora.
  • Goiz bazkaldu.
  • Errespetatu siesta egiteko ordutegia (egiten badute).
  • GABAZ
  • Ohera joan baino bi ordute lehenago ez da komeni pantailak erabiltzea edo jarduera fisikoa egitea.
  • Ordubeteko tartea egon behar da afaltzeko orduaren eta oheratzeko orduaren artean.
  • Afaltzeko ez dira komeni ez koipedun elikagaiak, ez kafeina, ez azukrea.
  • Lokartu aurreko errutinei eutsi: argi txikia, musika lasaia, ipuinak, irakurketa…
  • Ahal dela iluntasunean lo egin.

Argazkiaren iturria: Freepik.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading