Quantcast
Guraso.eus

Jolasguneen eraldaketa, nondik abiatuko gara?

Urtxintxa eskolak jolasguneen eraldaketa oinarri hartuta ikastaroa antolatu du Bilbon. Guk, Ikastaroa aurkezteko eskatu diegu:

Heike Freire, pedagogia berdean aditua den hezitzailearen hitzetan “Parke eta lorategietako jolasguneak helduok diseinatzen eta antolatzen ditugu goitik behera (sarritan, ekipamendu sintetikoetan); horren ondorioz, mugatu egiten dira ustez sustatu nahi diren jolas-aukerak”, haurren beharretatik beharrean, helduon “segurtasun” beharretan oinarrituz eraiki direlako.


Natura, parte-hartzea, aniztasuna, autonomia, jolasa eta sormena oinarri hartzen dituzten jolasguneak eraiki beharra daukagula uste dugu “ingurunearen ezaugarri fisikoak eta haurren interesak nahiz ideiak interakzioan jartzeko aukerak emango dituzten espazioak, non haurrek paisaia birsortu eta mundua zuzenean ezagutuko duten” (Heike Freire, Berdean Hezi).


Hainbat modutan eraldatu daitezke espazioak, balio eta oinarri ezberdinetan finkatuz. Guretzako ezinbestean lau puntu bermatu behar dira:


Haurrak erdigunera: haurren beharretatik abiatuz eta beraiekin eginez
Komunitatearen parte hartzea: “haur bat hazteko tribu oso bat behar da”, eta tribua herria da.
Ikuspegi feministatik: behar guztiak erdigunera ekarriz
Prozesutik ikasiz eta berreraikiz: pentsaerak eraldatuz, etengabe ikasiz

IKASTAROA

Azken urteetan, herri eta hirien antolaketak, komunitatearekin dugun harremanean eta haurraren garapenean duen eraginaz jabedun garelako sortu dugu ikastaro hau. Haurren munduaren bueltan kokatzen garen guztiontzako izango da, gure egonezinak elkarbanatu eta eraldaketa prozesuak irudikatzeko asmoz.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading