Quantcast
Guraso.eus

Jolasaren inguruan Tonucciren 20 esaldi

Beti  ekarri izan ditugu guraso.eus era Francesco Tonucciren aipuak, albiste edo marrazkiak. Gaurkoan Tonuccik jolasaren inguruan esan eta www. rejuega.com webgunean bildutako  20 esaldi ekarri ditugu  hausnartzeko baliagarri izan daitezkeelakoan.  .

  • Haur batentzat jolastea, munduko zatitxo bat hartu eta manipulatzea da, bakarrik edo lagunekin, jakinda iritsi ezin daitekeena asmatu dezakeela. Honela definitzen du jolasa, jolas librea, haurraren benetako beharra dena.

 

  • Bizitzako ikas prozesu garrantzitsu guztiak bizitzaren lehen aldian ( 0 urtetik -6 urtera ) eta jolasten egiten dira.  Honegatik da garrantzitsua jolasa eta askatasunez ikertzea adin hauetan.

 

  • Helduak gozatzeko jolasten duen bitartean haurrak jolasteko jolasten du. Diferentzia hau ulertzeak jolasa baloratzen lagunduko digu. Ez dute, guk egiten dugun moduan  ondo pasatzeko jolasten, beraiek jolasteko jolasten dute!

 

  • Jolas librearen inguruan, gure seme alabek kontatu nahi digutena bakarrik jakin behar dugu, besterik ez! Ez dugu zertan gehiago galdetu, nahikoa dugu  gozatu duela jakin eta berak nahi duena kontatu digula jakitea.  Azter dezakegu egoera baina ez dezagun gehiago bilatu.

 

  • Gure haurrek kontatzeko zerbait izatea lortu behar dugu, eta hau, haurrek askatasunez jolasteko aukera izanda bakarrik lortuko dugu. Hau izan beharko litzake eskolara hurrengo egunean lantzeko eraman beharreko materiala.
  • Jolastu aditza utzi aditzarekin bakarrik konjugatu daiteke. Ez lagundu edo zaindu aditzekin.

 

  • Jolasa plazera da eta ez du zaintza edo akonpainamendua onartzen. Autonomia poliki-poliki irakasten den bidea da eta berau sustatu behar dugu, jolasa gero eta libreago izan dadin gero eta gutxiago bideratu  eta zaindu dezagun.

 

  • Haur baten jolasa ezin da ebaluatu, baina ebaluatu beharko balitz 15 bat eman beharko litzaioke 10etik. Haurraren lan naturala da eta den moduan onartu behar dugu, haurra onartu behar dugun moduan. Egiten duenagatik eta egiten duen moduagatik onarpena jaso behar du haurrak eta inoiz ez bere jolasari kritika bat.

 

  • Ez dakigu haur batek zenbat ikasten edo bereganatzen duen jolastean. Ez liguke axola behar, jolasaren esperientziarekin haurrak ikasten baitu. Garrantzitsua ahalik eta esperientziarik aberats eta anitzena eskaintzea da.

 

  • Jostailu gutxi eta onak eduki beharko lirateke.

 

  • Jostailu ona, ezer izan gabe edozer izateko gaitasuna duena da. Haurrei beraien jolasa, izan bakarkakoa edo lagunartekoa aberastuko duten jostailuak eskaini behar zaizkie. Objektu berarekin jolas bat baino gehiago ahalbidetuko dutenak: lokatza, pilota, eraikuntza piezak, panpinak…

 

  • Askatasunez jolasteak etxetik irtetea esan nahi du: Kalean heldu baten zaintzapean egon gabe jolastea, lagunekin elkartu, elkarrekin jolasa aukeratu,  askatasunez denbora bat eskaini,  eta ilusio eta desilusioz bizi. Bi sentipen hauek jolasaren parte dira.

 

  • Gaur egun etxea hiriaren imitazio bat da, bertan erosotasun guztiak ditugu baina dena dago zelatatua. Baina haurraren beharra askatasunez jolastea eta denbora bere lagunkin partekatzea bada, etxetik irteten ez den haurrak ezin duela jolastu ulertzen da.
  • Haurrei denbora eskaini eta jolasteko lekuak aukeratzen utzi behar diegu.

 

  • Jolasak inguru anitzak behar ditu aberatsa izateko. Beti parke berdinera joateak (jolas aske baterako egokitua ez dena)  haurren esperientzia ludikoak txirotzen ditu.

  • Gurasoek haurrekin jolastea oso egokia da, beti ere gurasoek benetan jolastu nahi badute. Baina konturatu gaitezen haurren benetako beharra adin ezberdineko beste haurrekin, modu librean jolastea dela.

 

  • Gurasoek, haurrekin denbora nahikoa egoteko aukera ez dugunean eta honek erru sentipena sortzen digunean,   uste dugu ,  jostailu berriekin konpondu  dezakegula hau. Baina lortzen dugun bakarra, zera da; gure haurrak  jostailuen jabe bilakatzea.  Momentuko zirrara eta  jolaserako denbora (motza gehienetan) pasatzean, jostailua,  haurren gelako bildumako  beste objektu bat bilakatzen da.

 

  • Utzi haurrei askatasunez jolasten eta arriskuekin topo egin dezaten (beti bere adinera egokituak) honela jolasaren oinarri garrantzitsuenetako bat lortuko dugu desio bat izatea.

 

  • Haurrek hiri eta herrietan gozatzeko aukerak izan behar dituzte, honela eskolan, etxean… pilatutako energia arintzeko aukera izango dute. Txikiak direnean energia hau ateratzen uzten badiegu nerabezaroan lehertzea saihestuko dugu.

  • Jolasak seguruak dira askatasunez jolasteko erabiltzen badituzte. Adibidez: benetako guraize batzuk seguruak izango dira guk mozteko erabiltzen ditugun moduan erabiltzen badituzte.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading