Quantcast
Guraso.eus

Jolas proposamenak!

Gabon garaian bakarrik ez, orain haurrentzako telebista kanaletan, egunero egunero  gure seme-alabei zuzendutako mezuek jostailu eta  bestelako produktuak aurkezten dizkiete.   Jolasak, panpinak… izugarrizko eskaintza!  Iragarki hauetan produktuekin batera bestelako mezu asko ere antzeman ditzakegu gurasook.

Hizkuntzaren ikuspegitik ere, gutxi dira merkatu globalean argibideak euskaraz eskaintzen dituzten jolas eta mahai jolasak.  Kasu askotan jolasarekin dugun lehen harreman honek jolasaren hizkuntza ere baldintza dezake.

Guraso.eus egitasmoan, merkatuan arrakastatsuak diren eta adituen ustez gomendagarriak diren mahai jolasei euskarazko azalpenak ematen dizkien bideoak argitaratzen jarraitzen dugu Olgeta eta Goienaren elkarlanari esker. Hona hemen argitaratu ditugun beste zazpi jolas gomendio.

Deja vu

8 urtetik aurrerako bi eta sei jokalariren artean jolasteko mahai-jolasa da. Zein figura agertu da bi aldiz? Zein da azkarrena konturatzen? Argi ibiltzeko jolas horietako bat da. Jolas bizia eta dibertigarria da.

Meli melo circus

3 urtetik aurrerako neska-mutikoentzako gomendatzen du, eta bakarka zein taldeka jolastu daiteke. Bost jokalari arte ibili daitezke batera.

Jostailu egokia da gorputz atalak ikasten hasteko eta baita ere jolas baten arauak ulertzen hasteko.

Mahai-jolas honekin etxeko txikiek aukera izango dute buruari erronka txikiak jarrita une atsegin bat igarotzeko.

Bunny Boo

3 urtetik aurrerako neska-mutikoentzako gomendatzen da, eta bakarka edo txandaka jolasteko jostailua da.

Emozioen antzar jokoa

Betiko antzara jokoaren dinamika duen mahai-jolasa da,  baina badu bere berezitasuna: mahai-jolasak aukera ematen du emozioei buruz hitz egiteko.

5 urtetik aurrerako bi eta lau jokalariren artean jokatzeko mahai-jolasa da. Makinatxo bat hizkuntzatara daude itzulita argibideak eta barrenak apur bat askatzeko aukera ematen du.

Mistery crok

Mistery crok delako jostailuabi jokalarirentzako jostailua da eta 5 urtetik gorakoentzako ikusten da egoki.

Nor da nor? jostailu ezagunaren bertsio gaurkotua da Mistery crok. Jolas dibertigarria , eta adin horretako neska-mutikoek asko ikas dezaketelako galderen eta erantzunen dinamikarekin.

Elefante dantza

2 urte eta erditik aurrerako neska-mutikoentzako gomendatzen da, eta bakarka edo txandaka jolasteko jostailua da.

Mahai-jolas honekin etxeko txikiek aukera izango dute mahai-jolas baten arauekin hasteko baina era berean jolas librean jarduteko.

Monza

5 urtetik gorakoentzako jostailua da. Partidu bakoitzak 10-15 minutu irauten ditu eta 2-6 jokalarirentzako da.

Zenbakirik presente egon gabe kalkulu matematikoa lantzen duen jostailua da eta auto zirkuitua izatera oso erakargarria da neska-mutikoentzako.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading