Quantcast
Guraso.eus

Itzalak

Urtarrilaren 11n, Valeria Guglietti artistak ‘Zineko itzalak’ ikuskizuna eskaini zuen  Bergarako Seminarixoan.  

Valeria Guglietti Argentinako artista bat da, eta itzalen bidez filmeetako pertsonaia ezagunak eta guztiondako ezagunak diren eszenak interpretatzen ditu. Eskuekin soilik, hitz egin gabe, guztion bistan, eta pertsonaiak nola sortzen dituen guztioi erakutsiz; edonori bere itzalekin jolasteko gogoa pizten dio.

Gugliettik ibilbide oso luzea dauka eta nazioarteko ehunka jaialditan parte hartu du; are gehiago, ikuskizun honek sari ugari batu ditu herrialde askotan.

Ikuskizunak bere sinpletasunean harrapatu gintuen, baita gure kabuz frogak egileko bulkada eta gogoa piztu ere.

 Denok jolastu izan dugu itzalekin;  argiaren kontra sortu izan ditugu izakiak, irudiak. Etxean  haurrekin batera honekin jolasteko gonbita egin nahi genuke gaurkoan, itzalekin jolasteko. Sinpletasunaz ere gozatzeko.

Materiala

-Kartulina edo kartoi apur bat
-Guraizeak
-Linterna edo argiren bat


Pausuak


-Irudiak marraztu. Itzala emango duten irudiak izango dira. Guk buruak egin genituen pertsonaia ezberdinak sortzeko.


-Irudiei begiak ireki behar zaizkie itzalean hauek ikus daitezen.


-Gela bat ilundu eta pareta txuri baten aurka argi bat jarri. Linterna bat, proiektore bat, kandela bat…


Frogatu irudi ezberdinak eta sortu pertsonaiak eta ipuin zatitxoak.


Bi eskuak erabiliz gero, irudiei gorputz eta hankak egin geniezazkioke.

One thought on “Itzalak

  1. Pingback: Guraso.eus

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading