Quantcast
Guraso.eus

Isabel Kirze Otxandiano: “Yoga umeentzako barne ezagutza metodo bat da”

Izadi Ongizate Zentruko arduraduna da Isabel Kirze Otxandiano. Zentrua urtarrila hasieran zabaldu zuen eta jende asko bildu da bertan aste hauetan. Hainbat klaseren artean, umeentzako Yoga klaseak ematen dituzte. Kirzeren esanetan, gorputz fisikoa lantzeaz gain, pentsamenduak eta emozioak kontrolatzeko behar diren erramintak azaltzen dira saio hauetan. 

Isabel Kirze Otxandiano, Izadi Ongizate Zentruko arduraduna

Yoga umeekin… Zer da? Nola egiten duzue? 

Autoezagutza metodo bat da, norberaren burua ezagutu eta garatzeko behar diren pausoak azaldu eta lantzen dira. 

Jarrera berregokitzea abiapuntutzat hartuta, praktika konstanteaz eta arreta entrenatuz, gorputzeko atal ezberdinak beraien artean nola erlazionatzen diren ikasten dugu. Horrela postura ezberdinak ikasten joaten gara, gorputz jarreran kaltetzen eta mina sortzen duenaz ohartarazi eta ezagutuz, gorputz adimena esnatuz . 

Guzti hau barneratzeak, egunerokotasunean egitura modu eraginkor batean mugitzea ahalbideratzen du, edozein jarduera egiterakoan konzientzia piztuta daukagunez minak ekidituz.

Zeintzuk dira umeekin yoga egitearen onurak?

Hainbat dira yogaren onurak; norberaren autoezagutza eta autokonfidantza, gorputz kontzientziaren garapena (gorputz atalen arteko erlazioa ulertu berekiko dugun erlazioa hobetuz), autokotrola eta erlajazioa(burua kontrolatuz gorputza eta emozioak kontrolatzea), gorputza, burua eta emozioen arteko bateratasuna eta oreka, malgutasuna, koordinazioa eta oreka hobetzea, arreta entrenatzea, arnasketan parte hartzen duten ehunak landu eta garatzea, kaltetzen duten gorputz jarrera ohiturak aldatzea, norberaren buruarekiko eta besteenganako errespetua eta laguntasuna lantzea eta naturarekiko errespetua, maitasuna eta pakea sustatzea. Beraz, kirola egitearekin batera, gauza asko ikasi daitezke klase hauetan; bizitzarako ezinbestekoak diren baliabide asko.

Zein adin bitarteko umeekin egiten duzue?

Momentuz 7-11 urte bitartekoek osatzen dute taldea baina asmoa adinaren arabera 2 talde sortzea da. Txikienak mugituagoak dira, ez dute arreta denbora luzean mantentzen eta hori ere lantzen dugu.  

Aurrerago Yoga familian (haur-guraso) saioak egiteko asmoa ere daukat, aipatutako onurez gain gurasoekiko harreman eta maitasuna sustatzen delako. Larunbat goizetan izango da.

Norbait interesatuta egonez gero nora jo behar du?

Zuzenena telefonoz edo whatsapez nirekin harremanetan jartzea da (660800971). Bestela emailez ere: ikirze@gmail.com. Hala ere, lokala Grupo San Juanen dago, Alfontso X Jakintsua 5 behea, Arrasaten. Beraz bertara urreratu daiteke edonor informazio gehiago bereganatzeko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading