Txiki-txikitatik landu behar da hortzak zaintzeko ohitura. Errutina bihurtu behar da. Hala, garrantzitsua da gutxienez urtean behin dentistarengana joatea, eta hortzak garbitzeko prozesua zuzen egiten dugula ziurtatzea. Teoria ezagututa ere sarri hartzen ditugu ohitura txarrak eta ez dator sekula ere gaizki errepasoa egitea.

Garrantzitsua da haurren artean ere ohitura osasungarriak sustatzea eta jolas moduan landu daiteke gaia. Hemen proposatzen ditugu hortzen higieneari buruzko bi jarduera. Pedagogikoak izateaz gainera oso bisualak eta dibertigarriak dira. Eta etxean egiteko moduko materiala da gainera. Eskulan modura planteatu daiteke hasieratik.

  1. Aho errraldoia

Kartulina, kola eta hortzak irudikatzeko pieza zuriak dira behar den material guztia aho erraldoi hau egiteko. Pieza zuriak hainbat materialarekin egin daiteke. Irudimena libre da hemen. Aukera bat proposatzekotan fischer tips izeneko eskulan materialeko pieza zuriak aipatuko ditugu.

Aho erraldoiak aukera emango digu hortzen kokapena irudikatzeko eta hortzetako eskuila erabilita umeek argi ikusiko dute nola garbitu behar diren hortzak.

Hortzetako haria nola erabili erakusteko ere interesgarria da benetan.

2. Hagin osasuntsua eta kaltetua

Bigarren proposamena beste honakoa da. Bi hagin handi egin eta horrekin batera ohiko dietan ditugun hainbat elikagai.

Elikagai bakoitza haginetarako ona edo txarra den identifikatzeko eskatuko diegu neska-mutikoei.

Iturria eta proposamena gehiago hemen.