Quantcast
Guraso.eus

Haurrentzako eskaintza ere badu ‘Filmin Euskaraz’ kanal berriak

Euskaraz, euskaraz bikoiztutako edo euskaraz azpititulatutako izenburuak eskuragarri egongo dira Filmin Euskaraz kanalean. Ordainpeko plataforma atzo estreinatu zuten 40 pelikula eta dokumental baino gehiagorekin.

Plataforma hiru bloketan banatuta dago: fikziozko filmak, dokumentalak eta haurrentzako zinema. Tartean da, berez, neska-mutikoentzako eskaintza ere. Haurrentzako zinema atalean hamalau lan daude hasiera honetan.

Filminetik adierazi dutenez, kanalaren helburua da ikusle guztiek “zinema onena beraien ama-hizkuntzan” gozatzeko aukera izatea.

Hain zuzen ere, haurrentzako pelikulen artean Mark Osborneren Printze Txikia edo Dragoi Bola bezalako titulu ezagunez gain, Juan Bautista Berasategiren Nur eta herensugearen tenplua edo Gorka Sesmaren Pixi Post eta opari-emaileak bezalako euskal animazioak nabarmentzen dira.

Zinema onena euskal publikora hurbiltzearen intentzioarekin, Filminen asmoa da titulu kopurua pixkanaka handitzea.

Filmin Euskaraz-en aurrekaria da 2017an Generalitatearen laguntzarekin jaio zen FilminCAT. Ordutik egindako lanari esker, gaur egun 3.000 titulu baino gehiago aurki daitezke; katalanez hitz egiten dutenak, bikoiztutakoak edo azpitituludunak.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading