Quantcast
Guraso.eus

Haurrak etxetik ateratzeko baimena lortzeko sinadura bilketa abiatu du Heike Freirek

Alarma egoera honetan haurrak etxetik ateratzeko baimena lortzeko ekimen bat bultzatzen ari da uneotan, Heike Freire. Sektoreko profesionalen zein elkarteen eta profesionalak ez diren norbanakoen atxikimenduak eskatu ditu, Espainia Gobernuko arduradunei bidaltzeko prestatuta daukan gutuna indartu dezaten.

Aski ezaguna da pedagogiaren munduan Heike Freire. Psikologian eta filosofian lizentziatua da, baina pedagogotzat du bere burua. Pedagogia berdea izenarekin indarra hartu duen heziketa proposamenaren bultzatzaile nagusietako bat da.

Itxialdi egunotan haurren beharrak ere kontuan har daitezen eskatzen du. Hala nola, ekimen edo kanpaina bat bultzatzen ari da baimen dezaten haurrek kalera irten ahal izatea, egunean ordubetez, eta heldu batek zainduta. Frantziak eta Italiak eman dute aukera hori.

Atxikimenduak jasotzen

Atxikimenduak jasotzen dihardu, gutun bat ere prestatu du, eta hasi da Espainiako Gobernuko agintariei aurkezten. Bidali dio, esaterako, Espainiako presidente Pedro Sanchezi, eta asmoa du Osasun Ministro Salvador Illari zein Diputatuen Kongresura ere bidaltzeko.

“45.000 sinadurarekin batera bidali dugu gutuna. Lehen orrian haurren esparruan lan egiten duten 120 profesionalen –zuzenbidea, pediatria, hezkuntza, pedagogia, psikologia, soziologia…– eta elkarteen atxikimenduak jaso ditugu”.

Atxikimendu gehiago lortzea dute helburu, oraindik ere, Heike Freirek eta haren kolaboratzaile taldeak. Hala, eskaera egin dute norbanakoek zein haurren esparruan lan egiten duten elkarteek eta profesionalek sina dezaten eskaera hori.

“Norbanakoen bi izen-abizenak eta nortasun agiria, eta elkarteen IFK edo identifikazio fiskaleko kodea jasotzeko unean gaude. Interesetuek bidali besterik ez dute. Aldez aurretik eskertu nahi dizuet zuen babesa”, adierazi du Heike Freirek.

  • Prestatutako gutuna hemen. (gazteleraz)
  • Elkarteen eta profesionalen atxipenak jasotzeko formularioa hemen. (gazteleraz)
  • Publiko orokorraren atxikipenak jasotzeko formularioa hemen. (gazteleraz)

12 thoughts on “Haurrak etxetik ateratzeko baimena lortzeko sinadura bilketa abiatu du Heike Freirek

  1. NAGORE

    Umeak dira tamalez konfinamenduko zigortuenak. Beraien beharrizanak kontutan hartzea beharrezkoa da!!!

  2. Leire

    Umeen beharizanak eta eskubideak ez dira kontuan hartu. Badirudi bozkatu ezin dutenek, balio gutxiago daukatela!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading