Kideon Bilboko Hezkuntza Fakultateko (UPV/EHU) irakasle talde bat da eta haurrak koronavirusagatiko alarma egoera nola bizi duten aztertzeko ikerketa burutzen ari dira. Horretarako umeek familiekin elkarlanean betetzeko proposamena zabaltzen ari dira.

Ikerketarako baliotsua izateaz gain, familiei haurrekin gaiaz hitz egitea ahalbidetuko dien ltresna moduan ere aurkeztu dute galdetegia.

Parte hartzeko esku-orrikian edo https://kideon.eus/ (goiko aldean) aurki dezakezue esteka (2 esteka daude bata euskaraz eta bestea gaztelaniaz).

KideOn Eusko Jaurlaritzaren ikerketa talde finkatua da (kategoria A / IT1342-19). 2018an plazaratu zen inklusio sozio-hezitzailearen ikerketan erreferente izateko asmoarekin.

Bertan UPV/EHU—ko jakintza alor ezberdinetako irakasleak batu gara (Didaktika eta Eskola Antolamendua; Soziologia eta Gizarte Langintza, Bilakaera eta Hezkuntzaren Psikologia; Hizkuntza eta Literaturaren Didaktika eta Musika, Plastika eta Gorputz Adierazpidearen Didaktika) eta gainera kolaboratzaile gisa gizarte eta ikerketa entitateetako kideak eta atzerriko unibertsitateetako irakasle eta ikerlariak ere baditugu.

Guztiok amankomunean dugu inklusio sozial eta hezitzaile prozesuekiko konpromisua eta baita gizarte hezkuntzako eta eskoletako profesionalen formakuntza eta eskuhartze zuzena ikertzea ere. Honenbestez, KideOn-ek erreferentzia bat izan nahi du gure lurraldean, bai ikerkuntzan, gizarte berrikuntzan, gizarte eta hezkuntza zerbitzuen transferentzian eta inklusio sozio-hezitzailearekin erlazionatutako formakuntzan estatuko eta nazioarteko sare eta taldeekin konektatuta ere egon nahi du.

Nahia Idoaga Kideon ikerketa taldeko kideari elkarrizketa egin diogu ikerketaren berri izateko