Quantcast
Guraso.eus

Harri Orri Ar, taldeka



Talde handian egiteko jolasa proposatzen dugu gaurkoan ere Txatxilipurdi elkartetik . Argazkietan Txatxilipurdiko kideak eta kide izandakoak agertzen gara.

Bi edo lau taldetan banatuko gara eta talde batek bestearen aurka lehiatu beharko du. Honetarako jolas eremua adostu behar dugu denon artean (hobeto zelai bat bada). Ondoren aurkako taldearengan iristeko ibilbidea adostu beharko dugu.


Talde bakoitza jolas eremuko edo zirkuituko alde batean kokatuko da (lau talde izanda bi zirkuituek lekuren batean topo egiteak, jolasa nahasten/ aberasten du) . Ondoren jolasa hastean korrika habiatuko da talde bakoitzeko bat zirkuituan aurrera bere aurkariarekin topo egin arte. Topo egitean ahalik eta bizkorren Harri-orri-ar jokatuko dute

Irabazleak aurrera egingo du eta galtzaileak atzera egingo du berriro bere taldera. Lehen lehia amaitzean galdu duen taldetik beste kide bat irtengo da zirkuiturantz, lehiakidearekin topo egin arte, honek ahalik eta bide gehiena egingo du!. Eta berriz lehiatuko dira. Zirkuituan aurrera beste taldearengana iristen danak puntu bat irabaziko du. Ea nork irabazten duen! Guk ondo pasa genuen!

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading