Quantcast
Guraso.eus

Gurasoen WhatsApp taldeak

 Seme edo alaba bakoitzeko talde bat sortu dugu edo ikasgela bakoitzeko tadeak ditugu 3 C edo HH2ko  taldeak.

Konturatu gabe ohiko bilakatu  da talde hauen erabilera eta seme alaben ikasketak, eskolaz gaindiko jarduerak, etxeko lanak edo harremanak jarraitzeko eta guk ere kontrola izateko   tresna ere bilakatu dira Ikastetxeetako komunikazio kanalez gaindikoak dira gehienak.. Ondo erabiltzen al ditugu talde hauek? Beharrezko al dira?

Guraso.eus etik 2018. Talde hauen erabileraren inguruko dekalogo bat argitaratu genuen. 11 arau zerrendatu genituen eta beste proposamen batzuk ere idatzi zituzten  irakurleek. (zergaitik ez Telegram?)

Gelako ordezkariak arduratuko dira gelako whatsapp taldea sortzeaz edo eguneratzeaz; erabilera arduratsua egitea proposatzen da, hona hemen dekalogo proposamena.

  • 1-Ez erabili taldea  ikasle, irakasle edo ikastetxeko langileen inguruan kritikak egiteko. Ikastetxearekin harremanetarako  kanalak erabili eta eraikitzaie izan.
  • 2-Ez gehitu taldera kiderik aurrez taldean egon nahi duen galdetu gabe. Pertsona batzuek ez dute nahi taldeetan egotea eta beraien telefono zenbakia ere  partekatzen duzula kontutan izan. Ez da komeni guraso  edo ikasleen arduradunak ez diren pertsonak taldean sartzea.
  • 3-Taldean guretzako bakarrik den  erantzuna duten  galderak egiten baditugu “erantzun pribatutik mesedez” esaldia gehitu.
  • 4- Taldearentzat interesgarriak izan daitezkeen gaiak landu, ez erabili taldea bestelako zabalkundeetarako.
  • 5-Ez erabili ironiarik mezuetan (gaizki-ulertuak saihesteko ) eta ez ulertu isiltasunak errespetu falta moduan.
  • 6-Emotikonoen erabilerak mezuei laguntzen die baina ez pasatu hauen erabilerarekin! Ez erabili alferrikako ikonoak.
  • 7-Ikasleen, irakasleen edo beste gurasoen argazkiak ez partekatu. Ikastetxeek batzuetan beraien zabalkunde edo erabilerarako argazkiak erabiltzeko baimena eskatzen dute baina gurasoek ez dute beste  ikasleen argazkiak argitaratzeko baimenik.
  • 8-Ez konparatu haurrak. Bakoitzak bere erritmoa , behar eta egoerak ditu eta konparazioek min egin dezakete agian.
  • 9- Irakurri bi aldiz mezua argitaratu aurretik eta ez epaitu taldea uzten duen pertsona.
  • 10- Eraikitzaile izan hezkuntza proiektuarekin, eta taldean giro ona sustatu. “Eskerrik asko” eta “mesedez “ hitzek laguntzen dute.
  • 11- Talde honek euskarazko komunikazioa ahalbidetu nahi du. Saiatu gaitezen euskara erabiltzen. Komunikazioa ahalbidetzeko elebitan idatzi behar bada egin dezagun esfortzua!

Gaurkoan Marivel Martinez Psikologoaren hausnarketa bat ekarri nahi izan dugu.  Zuen esperientzia eta iritzia ere irakurri nahi genuke.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading