60.000 gazte inguruk jasotzen dute gaur egun Gazte Txartela; eta, aurrerantzean, Euskadin erroldatuta dauden 14 eta 29 urte bitarteko gazteek doan jasoko dute txartel berria, etxean.

Abantaila berriekin dator Gazte Txartela; Euskal Herrian 2.000 komertzio ingurutan erabil daiteke eta deskontuak, zozketak, bidaia asegurua eta halako abantailak eskaintzen ditu. Abantaila horiez gozatu ahal izateko, baina, txartela aktibatzea ezinbestekoa da, Gazte Txartelaren webgunera sartu eta zenbait datu emanda.

Bestalde, Gazte Txartela erabilgarri dagoen komertzioetan bereizgarri bat egongo da bezeroek informazio hori izan dezaten. Horrekin batera, www.gazteaukera.euskadi.eus atarian jarri dute informazioa eskura, Gazte Txartela zein zerbitzutan erabil daitekeen azalduta.