Quantcast
Guraso.eus

Galtzagorriren ‘Amattoren uzta’ aplikazioa

Smartphoneak eta tabletak etxeko txikien hezkuntzarako abantaila handia izan daitezke; izan ere, erabilpen egokia emanez gero, memoria, hizkuntza, kontzentrazioa edo irakurketa bezalako arloak landu daitezke.

Zentzu horretan Amattoren uzta aplikazioa erreminta baliagarria izan daiteke. Galtzagorrik sortu zuen 2018ko ekainean Eusko Jaurlaritzako Kultura eta Hizkuntza Politika Sailaren, Erein argitaletxearen eta Orona Fundazioaren babesarekin.

Amattoren uzta liburuan hamabost istorio tradizional jasotzen dira, eta horietako hainbati bizia ematen die aplikazioak animazioa eta interaktibitatea eskainiz, eta euskaraz.

Mayi Ariztiarena da Amattoren uzta liburua, eta Ipar Euskal Herriko ipuin kontalari zenbaiti entzunda bildutako ipuinak ditu oinarri. Horiek guztiak 1934an argitaratu zituen Ariztik lehendabizi Baionan, Gure herria aldizkariaren gehigarri gisa, eta, ondoren, 1982an, Elkar argitaletxearekin. XXI. mendean, Galtzagorri elkarteko Klik-Klasikoak proiektuari esker, Patxi Zubizarretak gaurkotu eta egokitu zituen eta Maite Gurrutxaga ilustratzaileak ilustratu.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading