Quantcast
Guraso.eus

Gaba beltza Pasaia San Pedron

Herri ezberdinetako esperientziak biltzen gabiltza guraso.eus egitasmoan, Oiartzun, Arrasate, Aretxabaleta… Oraingoan Pasai San pedroko esperientzia ekarri nahi dugu.

Gau beltza: nork antolatzen du, eta noiztik?

Ideia Proisa Kulturgune inguruan genbiltzan gurasoen artetik atera zen, Jai batzordeari planteatu genion eta elkarlanean atera zen ekimena aurrera. 2016 ko urrian hasi ginen ospakizun honekin. Hortaz hirugarren urtea dugu.

2- Zertan datza ekimena?

2016eko urrian telebistak saltzen zuen Halloween eredu amerikar itogarriari eta kontsumistak gure haurren artean arrakasta haundia izaten ari zuela antzeman genuen.

Arazo bezala ikusten genuen horri aurre egin nahi genion,  eta bide batez geure ohitura zaharrak berreskuratu, haurrei gaur egun duten aisialdi eredu arrotz eta kontsumistari alternatiba berri bat eskaini eta zahar eta gazteak suaren inguruan goxo-goxo bidu.

Euskal Herriko beste herrietan zer egiten zuten eta zergatik ikertzen hasi ginen eta zenbait ideia atera genituen ospakizun xume bat egiteko.

Ondorioz, honako egitaraua antolatu genuen; FRONTOIAN Mozorro, soinu tresna eta eguzki-lore tailerra. Soinu tresnak plastikozko botilekin eta garbantzuekin egin genituen eta mozorroak maindire zahar eta lastozko kapelekin.

Ondoren Kale zaharreko arima ilunak uxatzera abiatu ginen eta eguzki-loreak zintzilikatu genituen etxe atarietan.

Bukatzeko, gaztain erreak banatu eta Patata Tropikala osatzen duten Judith eta Ikerrek antolatuta ipuin kontaketa zirraragarri bar ikusi genuen.

 
3- Zer-nolako balorazioa egiten duzue? Gustura orain arteko emaitzarekin?

Balorazio oso positiboa egiten dugu, batez ere, herrian urteroko ospakizun bat bezala txertatu delako, beraz, helburua lortu dugulako. Orain arteko emaitzak oso onak izan dira; haur eta gurasoen parte hartze aktiboa, elkarlan grina eta beste aspektu garrantzitsu bat; bere izaera xumea mantendu dugu.

4- Guraso gisa, ba al duzue bestelako ekimenik antolatzeko asmorik San Pedron?

Badago beste ekimen bat urterokoa bihurtu nahiko genukena; MERKETRUKE AZOKA.

gehiegizko kontsumoa ekidin, eta birziklapena, eta herri kolaborazioa sustatu nahian, Merkatruke Azokaren ideia landu dugu.

San Pedro makina bat ospakizun dituen herria da, eta ondorioz jai arropa eta mozorro ugari erabiltzen ditugu. Etxe guztietan soberan dauden festetako arropa dago eta praktika ona litzateke familien artean ia erabili gabe dauden arropa horiek trukatzea.

Aurten bi saiakera egin ditugu; Lehena San Pedroko jaien aurretik. Bertan, arrantzale eta Inude eta Artzainen haurren arropak jaso eta banatu genituen. Abenduan gauza bera egin genuen baserritar jantziekin. Pozgarria litzateke ekimen hau ere ohitura bezala geratzea.

Hona hemen 2019an San Pedrokoek erabili duten karteala

Zuen herriko esperientzia partekatu nahi?? Idatziguzu

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading