Haziak egitasmotik , etxean gauden egun hauetarako proposamentxo bat luzatu digute. Etxeko txikiak bakarrik edo familia giroan jolastu, entretenitu eta sormena landu ahal izateko aukera duzue KontaKLIK-ekin. KontaKLIK ukimenezko pantailak dituzten gailuetan (bai Android zein IOS sistema eragileak dituztenak), zein mahai-gaineko ordenagailuetan erabiltzeko materiala da. Hemen duzue informazio gehiago.

KontaKLIK aplikazioarekin asmatutako ipuinei beste bizitza bat emateko aukera daukazu. Hitzei, marrazkiak, argazkiak, ahotsa, testua eta mugimendua gehitu ahalko diozu. Osatu zure gogoko ipuin eta istorioak eta partekatu lagunekin edo zuk nahi duzunekin.Baliabide honekin modu jostagarrian eta sormena landuz etxekoekin bestelako ekintzak egiteko aukera dago. Dokumentu honetan hainbat argibide eta ideia ematen dira.