Badira bigarren eskuko mozorroak saltzen dituzten saltokiak. Bada baita ere jendea mozorroak trukatzen dituena… Eta badira ekimenak mozorroei erabilpen bat baino gehiago emateko ahalegina egiten dutenak.

Eskoriatzan, aurten, liburutegian daude eskuragarri herritarrek berriz erabili nahi ez dituzten mozorroak. Izan daiteke mozorroa errepikatu nahi ez dutelako, izan daiteke neurriz txiki gelditu zaizkielako. Kontua da egoera onean dauden mozorroak direla eta besteren batek erabil ditzakeela. Mozorroekin batera badaude zapiak, osagarriak, bestelako tresnak… Bibliotekan daude prezio sinbolikoan salgai.

Lehenengo urtea izanik ez dituzte mozorro asko jaso, baina guztiak egongo dira eskuragarri Bibliotekan.

Zuen herrian egiten al dira horrelako ekimenak?