Quantcast
Guraso.eus

Errezeta: pizza zartaginean

Osagai guztiak prest edukita 40 bat minutuan gertu izango dugu etxean egindako pizza gozoa. Dakizuen moduan askotariko osagaiekin egin daiteke pizza bat. Guk txorizoa aukeratu dugu, baina nork bere gustuko zaporeak aukeratu besterik ez ditu!

Osagaiak

  • 150 gr. gari irina.
  • koilaratxo erdi legamia.
  • bi arrautza.
  • 20 gr. oliba olio (+ bi koilarakada zartaginerako).
  • gatz pitin bat.
  • tomate frijitua.
  • 10 gr mozzarella birrinduta.
  • oregano lehorra.
  • 20-30 gr. txorizo zati txikietan.

1. Lehenengo egitekoa orea da. Nahastu irina, legamia, arrautzak, olioa eta gatza. Ore uniforme bat lortu arte nahastu eta prest dagoenean pilota forma eman.

2. Bota irin apur bat mahai batean gainera eta arrabola baten laguntzaz ondo zabaldu orea. 22 bat zentimetro inguruko biribila lortu beharko genuke.

3. Jarri neurri bereko zartagin bat sutan eta gehitu bi koilarakada olio. Sartu prestatutako orea bertan, estali tapa batekin eta utzi su ertainean hamar bat minutuz.

4. Amaitutako eman buelta pizzaren oinarriari eta bota tomate frijitua. Ondoren, mozzarella eta oreganoa. Azkenik, gehitu txorizoa eta jarri berriz ere tapa beste 20 minutuz sutan egoteko.

5. Pizza prest dago. Jatea besterik ez da gelditzen.

Argazkiaren iturria: Vita Marija Murenaite

Utzi erantzuna

Zure e-posta helbidea ez da argitaratuko. Beharrezko eremuak * markatuta daude