Quantcast
Guraso.eus

Errezeta: fondue

Errezeta erraz bezain dibertigarria proposatzen dizuegu gaurkoan. Fondue suitzar, italiar eta frantziar platera da caquelon izeneko kazola batean urtutako gazta duena. Jateko ogia gaztaz igurzten da.

Argazkia: Freepik.

Kazola mahaiaren erdian jartzen da eta taldean jateko platera da. Ordu erdi bat beharko duzue osagaiak prestatzeko eta beste ordu erdi platera prestatzeko. Ea gustuko duzuen!

Osagaiak

  • 400 gr. beaufort gazta.
  • 300 gr. comté gazta.
  • 300 gr. tomme de savoie gazta.
  • 2 baso esne.
  • zopa koilara bat Worcestershire saltsa.
  • baratxuri atal bat (lapikoa igurzteko.)
  • baserriko ogia.

Urratsak

  1. Prestatu ogi zatiak. Gustuko neurrira moztu eta utzi prest.
  2. Prestatu gazta: birrindu hiru gazta motak. Birrindu beharrean zati txikietan ere moztu daiteke.
  3. Igurtzi baratxuria gazta urtu behar duzuen lapiko edo edukiontzian. Fondue-a prestatzeko edukiontzia bada, hobeto.
  4. Bota esnea edukiontzi horretara eta piztu sua. Esneak egosi egin behar du. Poliki egosi. Behin egosi denean jaitsi suaren indarra eta gehitu birrindutako gaztak.
  5. Eragin aldizka eta tarte handiegirik utzi gabe. Gazta urtu denean gehitu Worcestershire saltsa.
  6. Jarraitu egosten su txikian eta lapikon dagoena eragiteari utzi gabe. Emaitza izan behar da nahasketa leun bat.
  7. Gatza eta piperbeltza gehitu, gustuaren arabera.
  8. Kirtena duen egurrezko pintxo batekin umeek ogi pusketak hartu eta nahasketan sartuko dute. Gazta saltsarekin bustiko dute eta gustura jango dute. Adi egon eta ziurtatu ez dela beroegia. Horrela bada ahora eraman aurretik eduki platerean hozten.

Fondue edukiontziaren ordez

Ez badaukagu etxean fondue bat prestatzeko edukiontzirik erabil daiteke bestelako lapiko bat ere.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading