Uda sasoikoa da abrikota eta hainbat aukera ematen ditu. Aukera horietako bat da izozkia egiteko erabiltzea. Lau izozki egiteko errezeta prestatu dizuegu. Oso erraza da eta umeekin egiteko modukoa.

Osagaiak

  • 100 gramo abrikot (6-7 ale)
  • yogurt natural bat
  • ezti koilara bat
  • izozkiak egiteko moldeak
  • izozkietarako makilak

Lehenengo eta behin abrikotak zuritu behar dira eta hezurra kendu behar zaie.

Irabiagailuan sartu eta gehitu jogurta eta eztia. Ondo irabiatu guztia krema homogeneo bat lortu arte.

Izozkiak egiteko moldeetan sartu eta ipini makila. Sartu izozkailuan eta itxaron gogortu arte. Prest daudenean atera moldeetatik eta jan. On egin!

Argazkia: Jennifer Pallian