Quantcast
Guraso.eus

Elkarrizketa Maider Garcia de Vicuñarekin: Inauterietako sexismoaz eta martxoaren 8az.

Maider Garcia de Vicuñarekin hitz egin genue bere azken  kolaborazioa oinarri hartuta. Inauteriak gozatu eta bizi izan genituen eta jai hauetan izadako bizipenak, gogoratu genituen berarekin. Bide batez Martxoaren 8a guraso moduan bizitzeko moduaz ere hitz egin genuen.

 

“Aurten erizainez mozorratuko naiz”, “Ni gidariz”, “Suhiltzailez jantziko naiz, ama”.

Gertu ditugu inauteriak eta honelakoak entzutean bakoitzak bere irudikapena egin du. Askok sexua jarri diozue hitz hauen protagonistei, ezta?

Erizain, gidari eta suhiltzaile. Hitz hauek ez dute femenino ala maskulinoa adierazten, zergatik orduan ze sexuko pertsonek esan duten eratorri? Estereotipo sexistak barnean ditugulako eta uste baino gehiagotan horien arabera jokatzen dugulako.

Baliteke lehen botean erizaina neska eta gidaria zein suhiltzailea mutilak izango direla pentsatu izana eta berehala gure pentsamendua zuzentzea, emakumezko zein gizonezkoek edozein lanbide eraman baitezakegu aurrera. Zuzenketa hori egitea positiboa da, gure jendartean ematen ari den eraldaketaren seinale.

Lanbide zein jantziaren arabera neska ala mutil diren eratortzea zuzena ez bada, are gutxiago mozorroetaz ari bagara. Gidaria izateko mutila izatea beharrezkoa balitz ere, hala izan beharko luke inauterietan? Ez al da hau arauak hausteko garaia? Ohiturak dioenez inauterietan aurpegia estalita egiten ziren urtean zehar debekatuak zirenak. Beraz, sexu eta rolen aldaketarako aukera ona izan liteke hau.

Mozorrotzea jokoa da eta hortaz, dibertigarria izatea da helburu bakarra. Baina mozorroen munduak batere dibertigarria ez den aldea du. Honetan ere sexismoa eta emakumezkoen gorputzaren erabilera nabarmena da kontsumorako produktuetan. Jar ezazue edozein mozorro emakumezko edo neska hitzaz lagundurik eta zalantza izpirik ez duzue izango. India, pirata, erizain, motorista…berdin du, minigonak, takoiak, eskoteak eta besteon gustukoa izateko jarreraz jositako emakume eta neskak ikusiko ditugu. Bai, neska txikiak ere.

Mozorroak prestatzean nahi baino estereotipo gehiago transmititu ditzakegu. Umeekin katalogo zein interneten mozorro bila gabiltzanean, baita neska ala mutil diren arabera aukera batzuk eta ez besteak eskaintzen dizkiogunean ere.

Inauteriak honekin guztiarekin apurtzeko aukera paregabea ematen digu. Mozorroaren sorrera umeen esku utz dezagun, izan gaitezen prozesu honetan bidelagun behar dituzten arropak eta materialak lortuz, piztu dezagun beraien irudimena eta landu dezagun askatasunez betetako haurtzaroa.

Jolas moduan gozatuko dutena emakume eta gizon askeak izateko oinarri bihurtuko da.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

loading