Quantcast
Guraso.eus

César Bona: “Babeslekua eta bizirauteko kita ezinbestekoak dira egunotan”

Baliabide askotariko hezitzailea da César Bona, eta ohartaratzen du itxitaldi egunotako arazoetako bat izan daitekeela neska-mutikoek denbora asko ematea pantaila aurrean. “Akaso irtenbiderik errazena izan daiteke, baina saiatu denbora hori mugatzen: adostu ordutegi bat eta errespetatu”, adierazten du.

Eta etxe barruan egiteko jarduera bat proposatu du sare sozialen bitartez. “Babesleku bat eta bizirauteko kita ezinbestekoak dira egunotan”, dio.

Eraiki babesleku bat

Etxeko ia edozerk balio du babesleku bat egiteko. Ziur ez dela lehenengo aldia horrelako bat egiten dutela etxeko txikienek. Bada, itxialdi egunotarako aukera interesgarria izan daiteke. “Aulkiak, sofa, kuxinak, oheko burukiak, lisatzeko taula, maidireak, alfonbra bat… Akaso sokak ere beharko ditugu. Beno, sokarik ez badaukagu akaso ez ditugu behar”, dio Bonak.

Babeslekuaren sabaiak bere tamaina behar du: “Babeslekuaren barruan eserita egoteko beste goian egon behar du, eta helduek babeslekua etxeko txikientzako dela ulertzeko beste behean egon behar du”.

Barruan eroso egoteko komeni da burukiak, jostailuren bat, eta gustukoen ditugun ipuinak sartzea. “Helduak gonbidatzeko asmoa badaukagu saiatu aldizkari edo egunkariren bat sartzen, edo libururen bat eta betaurrekoak”.

Bizirauteko kita

Behin kanpalekua eginda komeni da bizirauteko kit egoki bat prestatzea, “etxean zehar egingo ditugun abenturetarako prest egoteko”.

🔴 Iparrorratza. Ez badaukagu ikertu nola egin urarekin eta orratz batein.
🔴 Prismatikoak. Ez badaukagu komuneko paperaren bi tuturekin egin.
🔴 Linterna. Eskukoek edo kopetakoek balio dute. Ez ahaztu badaezpadako pilak.
🔴 Koaderno edo libreta bat gertatzen zaizkigunak jasotzeko.
🔴 Boligrafo gorria, beltza, urdina eta berdea. (Erabilpenen bat aterako diogu berdeari).
🔴 Arkatza gure espedizioetan aurkituko ditugun animalia arraroak marrazteko.
🔴 Poltsikoan sartzeko moduko panpina, bakarrik egonez gero konpainia egiteko. Jarri izena.
🔴 Motxila bat arroparekin: bainujantzia eta negurako txapela, galtzerdi potoloak eta euritakoa. Arraroa da etxe barruan euri egitea, baina arraroagoa da kanpoan gertatzen ari dena, eta gertatzen ari da.
🔴 Lupa. Gure munduan mundu txiki asko daude eta denak ikuskatuko ditugu. Ez badaukagu luparik kartoizko bat egin eta begiratu ea funtzionatzen duen.
🔴 Konpas bat. Ez badaukazu egin bat makila batekin eta sokarekin. Oso garrantzitsua da borobilak egiteko aukera edukitzea.
🔴 Etxeko mapa bat. Marraztu eta gurutze gorri batekin adierazi babeslekua non dagoen.
🔴 Kantinplora bat. Oso garrantzitsua da beti edukitzea ura eskura.
🔴 Janaria: sagar bat, platano bat, intxaurrak, ogi zati bat eta txokolate zati bat. Etxeko mapan gurutze berde batekin adierazi etxeko zein puntutan aurki daitekeen janari gehiago.
🔴 Botikina: bi tirita, body milk krema eta benda bat.
🔴 Ispilu txiki bat izpi seinaleak egiteko edo izkinetatik begiratzeko.

Argazkiak: Pinterest.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading