Quantcast
Guraso.eus

Barruko haurra

Nork ez du bere barruko haurra ateratzen haur batekin dagoenean. Bai onerako edo txarrerako. Edo zergatik ez beste era batera deskribatu; gure barrua garbi plazaratzen denean edo gure barrua plazaratzeko zailtasunak nagusitzen direnean.

Hor ikusten dugu ongi gurea ez dena, eta zerbait ikasteko dugula. Beraz, hortaz ohartu eta eskerrak eman besterik ez dugu, gure esentziara bueltatu gaitezkeela ohartu garelako eta zer garen gogorarazi digutelako. Ahaztu egin bazitzaizun!

Bizitza ikusteko modu desberdinak integratzea besterik ez zaigu falta. Ikuspegi baikorrak baitira benetan nor garen gogorarazten digutenak. Egoera horretan biziko bagina, ez al litzateke guztia armonikoagoa izango? Gutxi falta zaigu ordea. Geroz eta jende gehiago gara, orain arteko sistemak jada zaharkituta gelditu direla konturatzen garenak. Aspertuta gaude jada zenbait jarreraz. Bide horietan, topera iritsi garela erakusten digutenak hain zuzen.

Gizakia izaki sentsiblea da, barruan duen indarra adierazteko gorputz bat jaso du, baina hori baina gehiago da eta beti aurrera doa. Haurrak ispilu ederra izaten dira bide honetan eta aukera hori probestea besterik ez dugu. Gizakia unibertso bat da, bere azaletik barrura eta baita kanpora ere. Ikusten ez duguna, ez da esan behar existitzen ez denik, baina gizakiak badu horretan erabaki eta eragiteko indarra. Eutsi diezaiogun eraikitzeko botere horri. Izan zure atentzioaren jabe eta kutsatu ahalmen hori. Maitasunean bizi zarela ohartuko zara.

Yoga Integrala, bide horretan lan egiteko tresna bat izan daiteke. Datorren asteburuan, haurreri yoga tresna hauek nola transmititzen ikasteko formazio saio bat eskainiko dugu Iruñean. Heldua izanik, yoga egiten baduzu, ez izan dudarik zeharka zure familian kutsatzen ari zarela eta haurreri transmititzen jakitea, are eta eraginkorragoa da.

Lierni Garcia

Kaixo lagunak! Nire egunerokotasunaren oinarria den altxor preziatu bat konpartitzera nator zuekin. Noski, bakarrik baliogarria bazaizu hartu eta bestela utzi. Zuk duzu azken hitza. Dena den batzuetan gure barrutik sortzen dena ere entzuten ez dakigu, ez digute erakutsi edo ezin izan digute erakutsi. Beraz nola eman horrela azken hitza? Nire kasuan, Yogak laguntzen dit bilaketa horretan. Horrela hasi nintzen ni ere, nire barruan gertatzen ari zena entzuten ez nekiela konturatu nintzenean. Beti izan dut jakin min handia eta egin izan ditudan lanak ikasitakoak ezagutzera ematen oinarritu da. Lehen gida eta hezitzaile lanak egiten nituen, euskal kulturaren esparruan, baina estresak jota sentitu nintzen argi eta garbi nire bizitzako momentu batean eta yoga egiten hasi nintzen. Nafarroako Mahashakti Yoga Integral Eskolan ikasi nuen eta yoga irakaslea eta formatzailea naiz orain, dantza terapia Bartzelonan ere egin nuen eta masaje eta elikadura terapietan sartzen hasi nintzen ere. Helduei nahiz haurrei yoga integraleko klaseak ematen dizkiet, bakoitzari egokituak. Haurrei yoga ematea erronka berezia da eta oso aberasgarria maila guztietan. Iparraldeko eskoletan yoga saioak eman ohi ditut klase orduetan eta bidea hortik izan behar duela uste dugu, hezkuntza berri batengan eta yogak egiten duen mesedeetan sinisten dugunok. Tresna guzti hauek lehen adinetik ikasten baditugu, etorkizun hobeago bat eraikitzeko aukera dugula konbentzituta nago eta horregatik Mahashakti Yoga Integral Eskolak duen proiektuarekin bat egin eta aurrera goaz. Yoga haur eta nerabeei helarazi nahi diegu, gaur egun bizi dugun egoerak garrasika eskatzen baitu. Beraz proiektu hau Yoga haurrei helarazi nahi dion guztiari irekia dago, irakasle, hezitzaile, guraso sentsibilizatu….baina hortik haratago joan nahi dugu, instituzioetara bideratu eta Yoga eskoletan integratzea lortu nahi genuke. Zer dira bada, egun osoan zehar 10 minutuko barruko eten bat haurren egunerokotasunean. Gutxi da hori, gaur egungo gizarte honetan haurrei dispertsiora eramaten dien hainbesteko estimuluei aurre egin ahal izateko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude