Hainbat hondartza interesgarri ditu Mutrikuk, baina gaurkoan itsas bazterrean egindako bi igerileku naturalak ekarri nahi izan ditugu gurera.

Kaiaren ondoan dago eta ‘Mutrikuko hondartza’ izenarekin ezagutzen dute bertan. Beste asko daude, baina honek jasotzen du izendapen hori. Esan moduan, bi igerileku natural ditu.

Aparkalekua, dutxak, sorosle zerbitzua (udan), iturriak, taberna (udan), zaborrontziak, haurrendako parkea (udan) eta megafonia (udan) ditu.

Tamaina handiko igerilekuak dira eta itsasaldien arabera bete edo husten dira. Beti egoten da ura; izan ere, guztia ez joateko euste-horma bat dute eginda.


Argazkien iturria Fernando Jimenez.