Quantcast
Guraso.eus

Astrid Oster: “Arteterapia oso erabilgarria da; izan ere, margotzen dugunak asko esan dezake sentitzen dugunaren inguruan”

Hitz egitea ez da beti ongizate pertsonal baterantz biderik zuzenena, gure burmuina irudiak sortzen dituen organoa baita. Pinturak gure barruko irudiekin kontaktuan jartzeko aukera ematen digu, eta beste irudi batzuk sortzeko aukera ere ematen digu, lasterretatik askatzen eta ikuspegi berriak ikusten lagun diezaguketenak. Horren inguruan lan egiten du “21 kolore” zentruko zuzendari eta terapeuta den Astrid Osterrek. Hitzaldiez gain, Arteterapia egiten du Gasteizen duten lokalean.

Astrid Oster, 21 Kolore Arteterapia zentruko zuzendaria, umeekin batera marrazten.

Zer da arteterapia?

Arteterapia, izenak dioen bezala, artean oinarritutako terapia da. Hitz egin gabeko lanketa da,hau da, ez du garrantzirik kognizioak, gorputzaren intuizioak eta intuizio bisualak baizik. Guk konkretuki Bettina Eggerrek eta Jörg Merzek Suitzan garatutako LOM deituriko arteterapia mota erabiltzen dugu. LOM izena “Lösungs Orientiertes Malen” alemanetik dator, hitzez hitz itzulita “konponbideetan zentratutako pintura” esan nahi duena.

Zertan datza LOM metodoa?

LOM beste metodo arteterapeutiko batzuetatik bereizten da, bere arreta inpresioetan jartzen duelako, adierazpenaren ordez. Inpresioaren ikuspegiak esan nahi du terapeuta baten orientaziopean egindako pintura argi eta sinpleek garrantzia kentzen dietela gogoratzen ditugun irudiei, eta horiek asaldagarriak direla, eta, aldi berean, emozio itogarrietatik libratzen gaituztela. Irudiaren aldaketen bidez emozioetan aldaketak lortzen dira.

Zein material erabiltzen dituzue?

LOMen Lascaux Resonance Pintura erabiltzen dugu. Margotzen duen pertsonarentzat efektu harmonikoa duten pintura terapeutikoak dira. Bere trinkotasun leunaren ondorioz, pintura hauek, behatzekin margotzeko aproposak dira. Eskuarekin margotzen dugu, formatu handietan …

Terapiak egiteko modu ezberdinak existitzen dira?

Arteterapian ikuspegi desberdinak daude; ikuspegi psikologikoa, analitikoagoa dena, hau da, egindako lanak interpretatzen dira islatutako arazoak landu ahal izateko. Koloreak, formak… aztertzen dira. 21 koloren, gure terapia zentroan, gehiago ikuspegi pedagogiko batekin lan egiten dugu. Hau da, zure emozioak obraren bidez aldatzen dituzu. Marrazkia manipulatuz zuk zeure burua manipulatzen duzu.

Zeintzuk dira Arteterapiaren abantailak?

Hitz egiteak iraganean ez badizu balio izan, zu zeu adierazteko beste modu bat da. Arte terapiarekin nahigabe emozioak lantzen dituzu. Batzuetan, barne lana egiten ari zarela kontziente bazara, zeure burua babesteko mekanismoak dituzu, eta ariketa ekiditzea lortzen duzu. Baina arteterapia egitean alde ilun horretan barneratzea lortzen da; arteak ez du ezkutatzen uzten.

Bigarren arrazoia da jendeari ez zaiola hitz egitea gustatzen, ez du psikologoarekin hitz egin nahi. Arteterapiarekin, zeharkako moduan, emaitza onetara irits zaitezke, arteterapeuta baten norabidearen laguntzarekin, noski.
Informazio gehiago nahi izanez gero edo gurekin harremanetan jartzeko sartu https://21kolore.com/servicios/pintura-centrada-en-soluciones/# webgunean edo bisitatu gure lokala Gasteizen.

One thought on “Astrid Oster: “Arteterapia oso erabilgarria da; izan ere, margotzen dugunak asko esan dezake sentitzen dugunaren inguruan”

  1. Pingback: Astrid Oster: “Arteterapia oso erabilgarria da”

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading