Quantcast
Guraso.eus

Antzerkiaren bitartez gazteen kezkak eta buruhausteak, oholtzara

XUP! antzerki taldea osatu dute 15 eta 18 urte bitarteko zortzi oñatiarrek –aurrez Irazan Antzerki Guneko kideak– eta arrasatear batek. Hilabetetako lanaren ostean, abenduaren 20an taularatuko dute Kontraizanak izeneko antzezlana. 12 urtetik gorakoei zuzenduta dago eta gaur egungo gizartean gazteek dituzten kezkak eta buruhausteak jorratuko dituzte.

Argazkia: Xabier Igartua.

Gazteen kezkak

Horixe da antzezlanaren bitartez XUP! taldeko gazteak adierazten saiatuko direna. “Antzerki talde batek ikasturte berriari hasiera ematen dio eta egun batean, gela batean giltzapetuta geratzen dira. Gela horretan, hainbat gertaera gertatzen dira, non helburua gazteek ditugun kezkak eta buruhausteak azaltzea den”, azaldu du Malen Perez de Arenaza XUP! taldeko kideak. Gauzak horrela, guraso gabeko gazteek bizi duten errealitatea, emakumeen sexualitatea eta parrandak izango dira antzezlanerako aukeratu dituzten gaietako batzuk.

Proiektu hau aurrera eramateko, XUP! taldeko kideek informazio bilketa egin behar izan dute, eta, horrekin batera, antzezlanaren kontakizunean norberaren bizipenak gehitu dituzte.

Antzerkia bide interesgarria izan daiteke gazteengana heltzeko eta beraien interesekoak diren gaiak lantzeko.

Utzi erantzuna

Zure e-posta helbidea ez da argitaratuko. Beharrezko eremuak * markatuta daude

Gune honek Akismet erabiltzen du zaborra murrizteko. Ikusi nola prozesatzen diren zure erantzunen datuak.

loading